Yobu 42:8 - ALLALA KUMƐ

⁸ Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Yobu 42:8 ပူးပေါင်းရင်းမြစ်များ

Ko-Dabirɛnu 20:17

Alla ya a ma, musi minnu bi ale mansɛla bɔn la, wonu mara gbandɛ la ka a tɛgɛ Sira wara-koe ma. Kɔnɔ Iburayima ya Alla madiya mansɛ wo ye tumɛ min, Alla ya anubɛ ala bonna-mɔgɛnu nakɛndɛya. Alla ya a ma, musi wonu kera dannu sɔrɔnna tun.

Ko-Dabirɛnu 20:7

I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”

1 Ko-Kɔrɔta-Karan 15:26

Anu sɛgimatoe Yerusalɛm soe burɔ, Lifayi bɔnsɔn-mɔgɛ minnu ya tɔn-kenkirɛ duni, wonu ya tura wɔrɔnfila anubɛ saga wɔrɔnfila ma sarakɛ la Mari ye bawo Mari ara anu dɛnbɛ.

2 Ko-Kɔrɔta-Karan 29:21

Anu tara tura-bulun wɔrɔnfila la anu bolo anubɛ saga-yigi wɔrɔnfila anubɛ saga-den wɔrɔnfila anubɛ baa-kɔrɔn wɔrɔnfila Bato-Bɔnla ko la. Anu ya kɛnu ma anu hakɛ-sarakɛ la mansɛ anubɛ ala denbayɛnu anubɛ Yuda nyamanita-mɔgɛ bɛɛsila ko la. Aruna kegeyɛ minnu bi saraka-masɔ-wɔlɛ kɛla, ale mansɛ ya a fɔ wonu ye ko anu ni kolo-fan wonu bɔ.

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yobu 1:8

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma.”

Yobu 22:30

Ni fɛɛ sa mɔgɛ min na, a si wo lakisi katarala min bi ko-latelennɛ kɛla.

Yobu 35:8

I hakɛ ye i hadama-den-nyɔgɛnu denu tɔrɔla dɔrɔn. I ya ko-nyima wo ko-nyima ma, wo tɔnɛ si to wonu denu ye.

Yobu 42:9

Ɛlifasi wo, Bilidadi wo, anubɛ Sofari ya a ma iko Alla ya a fɔ anu ye nya min. Mari ya Yobuta madiyali-kan lamɔɛn.

Yaburi 103:10

A ti to ma tɔrɔla iko a bɛnta, ma ni tɔrɔyɛ sɔrɔn nya min. A ti ma sara boloko-yogomɛ-kɛ iko ma hakɛ anubɛ mala ko-yogoma-kɛ ye nya min.

Bɔ-Koe-Iyipiti 18:12

Musa biran-kei, Yɛtiro ya saraka-mintantɛ anubɛ sarakɛ donu bɔ Alla ye. Aruna anubɛ Isirɛla mɔgɔ-ba bɛɛsi tara ka fen-dɔn-kɛ Musa biran-kei fɛ Alla yala.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Yɛrɛmaya 14:11

Mari ya a fɔ nde, Yɛrɛmaya ye ko n kana a matara tun wole, Yudala hɛrɛ-sɔrɔn-koe la.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 45:23

Tele wɔrɔnfilɛ kɛ tele kelen-kelan bɛɛ ma, mansɛ wo si tura wɔrɔnfila anubɛ saga-yigi wɔrɔnfila ma saraka-mintantɛ la ka anu mintan gburr! Fɛɛ kana taran wonu fenfen na. Wo kɔma, tele-wo-tele, a si baa-kɔrɔn kelen bɔ ka wo ma hakɛ-sarakɛ la bɛɛ ye.

Yilan-Yilan Koe 23:1

Belam ya a fɔ Balaki ye ko, “I ni saraka-bɔ-tina wɔrɔnfila ladan n ye yan tɔ. I ni na tura wɔrɔnfila la anubɛ saga-yigi wɔrɔnfila la i bolo.”

Yilan-Yilan Koe 23:14

Anu tara Pisiga kɔnkɔ-ralɛɛnɛ kuma. Kan tinɛ wo tɔgɛ le, “Nyamanɛ Mafɛlɛn Tinɛ.” Mansa Balaki ya saraka-mintan-tina wɔrɔnfila ladan nyɔ ka tura kelen anubɛ saga-kɔndɔn kelen mintan saraka-mintan-tina-kelen-kelannu kuma.

Yilan-Yilan Koe 23:29

Nɛbi Belam ya a fɔ a ye ko, “I ni saraka-mintan-tina wɔrɔnfila ladan yan tɔ. I ni na tura wɔrɔnfila anubɛ saga-kɔndɔn wɔrɔnfila la i bolo.”

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

Yemesi 5:14

Donu kirɛ wo tɛma, wa? Anu ni chɔchi-mɔgɔ-banu kele. Wonu ni Alla matara a ye ka ɔlifi-tuli kɛ a ma Mari tɔgɛ rɔ.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

1 Yɔni 5:16

Min ba a na-kelen-nyɔgɛ yen hakɛ kɛla, min ti a ma, a ni foo habadan-nimayɛ la, a ni Alla madiya mɔgɛ wo ye. Alla si niyi di hakɛ-tigi wo ma. Minta hakɛ ti a ma, a ni foo habadan-nimayɛ la, n bi wonu denu ma. Kɔnɔ hakɛ do ye nyɔ min si a ma, a ni foo habadan-nimayɛ la. N ma a fɔ ko wo ni Alla madiya wola ko la.

1 Yɔni 5:6

Yisa Kirasiti nara yi anubɛ yele le fɛ. A ma na yi gbansan fɛ fɔ a filɛ bɛɛ, yi wo, yele wo. Ata Ni-Sɛnimɛ nyɛrɛ ye a mayirala ko tonyɛ le kɛ la bawo ata Ni-Sɛnimɛ, tonyɛ le,

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.

1 Samuwɛli 25:35

Abigɛli tara fan min bɛɛsi la Dawuda sanbayɛ la, a ya wonu bira. Dawuda ya a fɔ a ye ko, “I yisi kana gbala. Sɛgi i warɛ. N si a ma iko i yili ye a ma nya min.”