Yobu 42:6 - ALLALA KUMƐ

⁶ N darɔ-kannu bara a ma, n bara miliya. Wola ko la, n bara tubi ka n sa sundu-kunyɛ ma i kɔrɔ.

Yobu 42:6 ပူးပေါင်းရင်းမြစ်များ

Ko-Dabirɛnu 18:27

Iburayima ya a fɔ a ye tun ko, “N bara kuma i ye yisi-latɛgɛ rɔ. Nde ma bɛn ka wo ma kamasɔrɔn fenfen ma nde la. N mani de iko gbangban i yala.

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Yobu 2:8

Yobu ya bɔnku-daga-gbɛnkian bi ka to ala sumunɛnu mawɔrɔla wo la. Wo ya a taran, Yobu siginɛ sundu-kunyɛ ma.

Yobu 30:19

Alla ya n nabui bore rɔ, ado bɔnkɛ fisa n ko.

Yobu 42:5

Fɔlɔ nun, n bi i wara-koe lamɔɛnna mɔgɔ-dogbɛrɛnu bolo kɔnɔ kaka, n bara i yen n nyɛrɛ yɛ la.

Yobu 42:7

Mari ban kumala Yobu ye, a ya a fɔ Ɛlifasi fanan ye ko, “N bara diminya wobɛ i diyana-mɔgɔ filɛ ma bawo wo ma kuma-telennɛ fɔ iko nna wɔli-kɛla Yobu.

Yobu 9:31

Alla si n boloka bo-denkɛ rɔ. Hali n fɛrɛya-bɔɛ si nyima n tɔ.

Yaburi 51:17

E, Alla, ndeta sarakɛ ye min na, wo le famayigi la. Ile Alla ye nyinina min ma bɛrɛbɛrɛkɛ, wo le mɔgɛ yisi wa tinya a sɔn-yogomɛla ko la.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Aiseya 58:5

A ko sun-donna-bɛrɛ si min ma, wo le kɛ la. A bɛnta, mɔgɛ ni nimisa nya min a sɔnla ko la, wo le kɛ la. A ko a ma di a ye wo ni to wo nyɛrɛ lakunbɛnna iko binyɛ. A ma di a ye, wo ni kasa-kurɛnu tasa ka gbangban don wo ma ka wo sa wonu kuma. A ko wo ara wonu denu ma wola sun-don-bole la. A ko wo le miri ko sun-don-bole le wo la, wa? A ko wo miri ko wo kɛ-nya si ale Mari hɛnɛ?

Yɛrɛmaya 31:19

Mari, ma ya ma bɔ itɛ rɔ. Ma ara ma kɛ-nyanu yɛlɛma. Kebi i ya ma tɔrɔ, ma ma ke ma kunyɛ kɔrɔbila miliyɛ bolo. Ma ara miliya mala kuntanya-ko-ladan-bolenu na wo tumɛ ma dennɛ.”

Isikiyɛli 16:63

N si wo makoto wola ko-yogomɛ bɛɛ la. Wo yili ti bɔ wola ko-yogomɛ wonu ko, ado wo si miliya wo dɛ tugula wo sɔn-yogomɛ wonu na. Nde, i Tigi Mari kan le kɛ la.’ ”

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Saraka-Masɔlɛnuta Tɔnnu 13:12

“Ni kiraya su kɛ bɔra a fɛrɛ mumɛ bɛɛ ma, saraka-masɔlɛ si a mafɛlɛn a kilɛ fɛ.

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Luka 10:13

“Wole Koresin so-burɔ-mɔgɛnu, gbalo ye wo kuma! Wole Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛnu bila anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!