Yobu 42:11 - ALLALA KUMƐ

¹¹ Yobu tirisan-musu wo, a na-kelen-nyɔgɔ wo, wonubɛ a diyana-mɔgɛnu nara a kɔndɔn tinɛ. Anu ya fen-dɔn-kɛ ala bɔn la. Anu ya a wui bɔ ka a tɛgɛ tɔrɔyɛ wo ma Mari ya min sigi a ma. Wo kɔma, wonu kelen-kelennamɛ-bɛɛ ya sɛnɛ anubɛ wodi-gbɛ-dɛɛn-kɔlɔnɛ di a ma.

Yobu 42:11 ပူးပေါင်းရင်းမြစ်များ

Ko-Dabirɛnu 24:22

Nyomɛnu ban yi wo minna, kei wo ya sɛnɛ-foro kelen bi min si don a sunyɛ la anubɛ sɛnɛ-bolo-kalama-dɛɛn fila ka wonu di dunmusi wo ma. Sɛnɛ-fore anubɛ sɛnɛ-bolo-kalama-dɛɛn wonu kolo dɔgɔma-ma-de!

Ko-Dabirɛnu 24:53

Wɔli-kɛlɛ ya fen da-gbɛlɛ-siyaman bi ka wonu ma Rebɛka furu-fan la. A ya wonu di a kɔrɔ Leban anubɛ a na ma. Wo kɔma, a ya fɛrɛya-bɔɛ anubɛ wodi-gbɛ anubɛ sɛnɛ bi ka wonu fanan di Rebɛka ma.

Ko-Dabirɛnu 37:35

Yakobala dannu ya anu taya ka anu fa madiya kɔnɔ a ma sɔn a rade-koe ma. A ko, “Nde si to nna dan kɛ dila ha n ni a taran lakira.” A tora dila ala dan Yusufula ko la wo nya le.

Yobu 16:5

Kɔnɔ nde ti wo ma. N si wo kɔntɔ-diya-kumɛ fɔ. N ba min fɔ, wo si a diya don wole rɔ.

Yobu 2:11

Yobu diyana-mɔgɔ sawa ya a lamɔɛn min kɛ ko ale Yobu ye tɔrɔyɛ rɔ, anu nara a kɔndɔn tinɛ. Mɔgɔ sawɛ wonu tɔgɛ le kɛnu na, Ɛlifasi ka bɔ Timan soe burɔ wo, Bilidadi ka bɔ Suwa nyamanɛ rɔ wo, anubɛ Sofari ka bɔ Neyama nyamanɛ rɔ.

Yobu 4:4

Minnu bara bɔ Allata kilɛ fɛ, ado sɛnbɛ sa anu bolo ka sɛgi, ita kɔntɔ-diya-kumɛnu ya a ma, wonu ya anu nasɔ tun.

Hɛnkilimaya-Kumɛnu 14:20

Bolo-kolɔn ti diya hali a sigi-nyɔgɛ ye kɔnɔ fen-tigi si diya mɔgɛ bɛɛ ye tɛrr!

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Yɔni 11:19

Yahudiya siyaman bara na nun Mariyama anubɛ Marata na-kelen-nyɔgɛ sa-kɔndɔli-kɛ-tinɛ.

Romu 12:15

Sewa wonu fɛ minnu bi sewala. Di wonu fɛ minnu bi dila.

1 Kɔrɛnti 12:26

Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.

Hiburunu 12:12

Wo bole anubɛ wo kunbelan minnu takunnɛ, wo ni wonu tagbɛlɛya tun.

Hiburunu 13:3

Wo ni wo hɛnkili to yelela-mɔgɛnu ko iko wo ye anu fɛ yele le la. Wo ni wo hɛnkili to mɔgɔ-tɔrɔnɛnu ko. A ni ma iko wole fanan tɔrɔnɛ anu fɛ le.

Yasowa 24:32

Isirɛla mɔgɛnu nara Yusufu kolenu na ka bɔ Iyipiti nyamanɛ rɔ. Anu ya a togon dugu-kundunɛ do rɔ Sɛkɛm soe burɔ Yusufu fa Yakoba ya min san wodi-gbɛ kɛmɛ la Hemorila dannu ma. Dugu-kundunɛ kɛ dira Yusufu bɔnsɔn-mɔgɛnu ma nun fɔlɔ.

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.