Yobu 41:11 - ALLALA KUMƐ

¹¹ Yon si ke a kɛlɛla, a kunyɛ ni bɔ a rɔ? Mɔgɔ-wo-mɔgɔ sa min si a nɔ.

Yobu 41:11 ပူးပေါင်းရင်းမြစ်များ

Yobu 26:6

Furinu bi kan tinɛ min tɔ, Alla kolan ye anu na. Yamatogon-tina-wo-tina ti a ma, a ti anu yen.

Yobu 28:24

A ya a lɔn bawo ale le kelen pe si ke dugu-dankun filɛ yenna a kolan la. Fan min bɛɛsi ye san-kole kɔrɔ, ale le si wonu tagbɛ.

Yobu 34:33

Allala ko-ladannɛ ma diya i ye kan min, i si nɔrɔ a ma kama wo rɔ i diyana-koe kɛ-koe la i ye? Fi-kɔmɛ anubɛ a burɛ le wo la, i wa tafiran yen min tɔ. Min bi ile Yobu burɔ gben, wo fɔ ma ye.

Yobu 35:7

Hali i mara telenbagɛ la, Alla si tɔnɔ-nyamintan sɔrɔn wo rɔ? Alla sa nyinina fenfen ma i bolo.

Yobu 41:12

N ni kuma ninkinankɛ wo kiannu anubɛ a fanka wara-koe rɔ.

Yobu 9:5

Alla si kɔnkɛ bɔ a gbɛ rɔ hali a ma mɔgɛ lasui a ma. Ni a fonde bɔra, a si kɔnkɔ-belebele-wɛnu nabui fugbu!

Yaburi 115:16

Mari kelen petɛ le Arinyɛnɛ la kɔnɔ a ya dugu-kole di hadama-dannu denu ma.

Yaburi 21:3

Ile Mari ya mala mansɛ sɛnibɔ ka bɔ kɛlɛ rɔ duwa-belebele la. I ya mansaya-fulɛ sigi a kunyɛ la min nadannɛ sɛnɛ la.

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Yaburi 50:12

“Ni kɔnkɛ le n na nun, n ti wo manyinika dɔnta ko rɔ bawo fan min bɛɛ ye duninya rɔ, ntɛ le wonu na.

Bɔ-Koe-Iyipiti 19:5

Woletɔ ni wole ya n kuman-kan bira gben ka nta lanyiri latɔnbagaya, wole si ma n halalɛ la ka tenbi mɔgɛ bɛɛ la duninya rɔ. Ntɛ le duninya bɛɛsi la.

Romu 11:35

Yon si a fɔ ko a ara fen di Mari ma, a ni wo tigila yili sara?”

1 Kɔrɛnti 10:26

ado iko a sɛbɛnɛ Allata kitabu rɔ nya min ko, “Duninya anubɛ fan min bɛɛsi ye a rɔ, Maritɛ le wo bɛɛ la.”

1 Kɔrɛnti 10:28

Kɔnɔ ni mɔgɛ do ya a fɔ wo ye ko, “Dɔn-fan kɛ dinɛ bɛsɛnu denu ma kɔɔ,” wo kana dɔn-fan wo dɔn ka a tɛgɛ mɔgɛ wo sɔndɔmɛla ko ma.

Tɔn-Fɔɛ-Fila-Nyɔgɛ 10:14

“Fan min bɛɛsi ye san-kole rɔ anubɛ dugu-kole kuma, Maritɛ le wonu na.

Yasowa 3:11

Saraka-masɔlɛnu si ta tɔn-kenkirɛ la yi rɔ wo yarɔ ka anu sɔ nyɔ. Wole si a lɔn wo rɔ ko Mari-nimɛ ye wo tɛma.