Yobu 4:3 - ALLALA KUMƐ

³ Ile nyɛrɛ-nyɛrɛ ara mɔgɔ-siyaman karan nya min, i miri wo ma tun! I taranta mɔgɔ-tɔrɔni-siyaman dɛnbɛna nun.

Yobu 4:3 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ɛsira 6:22

Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.

Yobu 16:5

Kɔnɔ nde ti wo ma. N si wo kɔntɔ-diya-kumɛ fɔ. N ba min fɔ, wo si a diya don wole rɔ.

Yobu 29:11

Minnu bara n tɔgɛ lamɔɛn anubɛ minnu bara n yen, wonu damasi ye n tantola nna wɔli-nyimɛla ko la

Yobu 29:15

Fiyɔnnu yɛ le nde la. Namarɛnu kian le nde la.

Yobu 29:16

Bolo-kolɔnnu fa le nde la. Sundannu ba bila nanparan rɔ, n bi anu dɛnbɛna.

Yobu 29:21

N tenbi mɔgɛnu makawandila nun, anu bi anu tole masɔla nna kumɛ la a kin na!

Yobu 4:4

Minnu bara bɔ Allata kilɛ fɛ, ado sɛnbɛ sa anu bolo ka sɛgi, ita kɔntɔ-diya-kumɛnu ya a ma, wonu ya anu nasɔ tun.

Hɛnkilimaya-Kumɛnu 10:21

Mɔgɔ-nyimɛta kumɛnu si tɔnɛ di mɔgɛnu ma kɔnɔ kun-takolɔnnu-tɔgɔ si to anuna kuntanyɛ la.

Hɛnkilimaya-Kumɛnu 15:7

Hɛnkilimɛ si lɔnnɛ ranyɛnsɛn mɔgɛnu tɛma kɔnɔ kuntanyɛ ti wo ma.

Hɛnkilimaya-Kumɛnu 16:21

Mɔgɛnu bi a kalama ko hɛnkilimɛ si koenu nakɔrɔsi ka ko-latelennɛ kɛ a kilɛ fɛ. A kuma-nya si a ma, ala karan-den ni ta yarɔ.

Aiseya 35:3

Bole anubɛ kunbelan minnu takunnɛ, i ni wonu tagbɛlɛya tun.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Sɛfanaya 3:16

Wo wati ye nala, mɔgɛnu si a fɔ Yerusalɛm kɛnu ye ko, “Wole Yerusalɛm kɛnu, wo kana kilan yisi-tinya bolo.”

Luka 22:32

Kɔnɔ Saimon, n bara Alla madiya ile ye ko ila dɛnkɛninyɛ kana ban. I wa sɛgi nde ma tumɛ min, i ni i na-kelen-nyɔgɛnu sɛnbɛ don.”

Luka 22:43

Melika do bɔra gbɛ rɔ a wara ka a sɛnbɛ don.

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Tɔn-Fɔɛ-Fila-Nyɔgɛ 3:28

Mari ko Yasowa min bi nala sigila n gbɛ rɔ, a si na min ma, n ni wo fɔ ale ye. N ni a makawandi ka a sɛnbɛ don bawo ale le ye tola mɔgɛnu kuma ka ta anu sigi nyamanɛ wo rɔ nde, Musa ya min mafɛlɛn.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.

Hiburunu 12:12

Wo bole anubɛ wo kunbelan minnu takunnɛ, wo ni wonu tagbɛlɛya tun.