Yobu 4:10 - ALLALA KUMƐ

¹⁰ Karagbɛlɛnu bi hirendi-hirendila ka kurun iko yarɛ kɔnɔ Alla si tɔn sigi wo la anu bolo ka anu nyin keri gbasu!

Yobu 4:10 ပူးပေါင်းရင်းမြစ်များ

Yobu 29:17

N ya karagbɛlɛnu sɛnbɛ tinya ka mɔgɛnu bɔ anu bolo anu bi minnu tɔrɔla nun.

Yobu 5:15

Alla si a ma, bolo-kolɔnnu ni tanka fen-tiginuna masibɛ ma. A si fugarɛnu tanka fankamɛnuna masibɛ ma.

Yaburi 3:7

E, Mari Alla, na n nakisi tinɛ. I ni n yoge bɛɛsi dɛ ratii ka anu nyin murundu anu da rɔ alako anu kana na ko ma n na.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 58:6

E, Alla, i ni karagbɛlɛnu sɛlɛ keri anu da rɔ iko yarɛtɛ ye nya min.

Yaburi 58:7

Anu ni tunu yen, iko yi wa bon dugu ma. Anu tenbi anuna kalabɛn lakɛla, alamɛ anu foora.

Hɛnkilimaya-Kumɛnu 30:14

Mɔgɛ donu fanan bi nyɔ, wonuna wɔli ma fenfen na fɔ ka bolo-kolɔnnu kensunya. Anu bi belenna buila anu ma iko sogo-feremɛnu.