Yobu 39:5 - ALLALA KUMƐ

⁵ Yon ya firala-baanu kan bɔ ka anu kun naka?

Yobu 39:5 ပူးပေါင်းရင်းမြစ်များ

Ko-Dabirɛnu 16:12

Ila dan wonubɛ a bɔnsɔnnu si ma iko sofɛli-kolobɛlɛ. Anu si ma mɔgɛ bɛɛ yoge la. Mɔgɛ bɛɛ si ma anu yoge la. Anubɛ anu na-kelen-nyɔgɛnu ti sigi kan-tina-kelen sɔndɔma-finteyɛ bolo.”

Ko-Dabirɛnu 49:14

“Ile Isakari, i bɔnsɔn si ma le iko sofɛlɛ tinya-mansɛ min sɔnɛ ata dunu filɛ la a bolo.

Yobu 11:12

Ni sofɛli-feremɛ si den-kolonɛ sɔrɔn, nba, ni wo si ma, mani kun-takolɔn si ma hɛnkilimɛ la.

Yobu 24:5

Bolo-kolɔnnu bi anu de-nyini-fannu nyinina kan-tina-rakolɔnnu tɔ iko sofɛli-feremɛnu. Kan-tina-gbɛrɛkɛ sa anu bolo ka dɔntɛ nyini anuna dannu ye.

Yobu 39:10

Ile si ke wo yili birala, a ni dugi rasin i ye? Ile si ke a mala, a ni sara-dɛɛ sagan i ye?

Yobu 39:4

Ala dannu ta si gbɛlɛya binyɛ rɔ gbon! Kɔnɔ tɔ-a-la, anu si anu na boloka ka ta anu kun fɛ.

Yobu 6:5

Sofɛlɛ radenɛ le ye bin dɔn tinɛ. Sara-ninki ti kuma a de-nyini tinɛ.

Yaburi 104:11

Wonu bi nyɔ alako sogenu ni anu min. Bintɔ-sofɛlɛnu si anu kan lakimɛ.

Aiseya 32:14

Hali mansɛla bolon-rakolonyanɛ si to, ado wola so-karantan fanan si ma wo nya. Mɔgɛnu siginɛ bɔn minnu na anubɛ anuna kila-mafɛlɛn-bɔnnu si ma tonbɔn la. Bintɔ-sofɛlɛnu anubɛ kolo-fannu dɔrɔn si to anu de-nyinina nyɔ.

Yɛrɛmaya 14:6

Bintɔ-sofɛlɛnu bi anu sɔla kɔnkɔ-makolɔnnu kuma. Anu bi anu niyi makawala kan-nagbalɛ ma. Anu yɛ manɛ kɔnkɛ bolo pankulan!

Yɛrɛmaya 2:24

A ko wo mani de iko sofɛli-musumɛ min bi wulɛ rɔ. A kɛnɛna sofɛli-keimɛnu sumɛ birala. Wo wati rɔ, mɔgɔ-wo-mɔgɔ nɔ-ko ti taran ale sofɛli-musi wo rɔ. Sofɛli-keimɛ min ba a labɔ a ma lenkan wo la, anubɛ wo si dɛn. A musumɛ wo lasɔrɔn ma gbo wati wo le.

Daniyɛli 5:21

Mɔgɛnu ya a gben anu kurun tɔ. A hɛnkili mara iko sogenutɛ. A tora tagamana sogenu fɛ binyɛ rɔ ka binyɛ dɔn iko ninki. A tora kila gbɛkole ma. Duri tora yigila a ma nyɔ. Kɔnɔ tɔ-a-la, a sɔnta ko Alla Min Bi Fan Bɛɛ Kun Na, wo le ye duninya-mansɛ-bɛɛ kun na. Min ba diya a ye, a si mansayɛ di le wo ma.

Hoseya 8:9

Wole Isirɛla mɔgɛnu bara ta wo kun fɛ iko sofɛli-kalabante. Wo ya wo buri tala Asiriyanu bara wo dɛnbɛn-koe rɔ. Wo ara wo kun madiya sibolo-gbɛrɛnu na wo lakanan-koe la.