Yobu 38:5 - ALLALA KUMƐ

⁵ Duninya-dan si bɛn min nyɔgɛ ma, yon ya wo latɛgɛ nun? Yon ya a suman nun? I si ke wonu yabila n ye, wa?

Yobu 38:5 ပူးပေါင်းရင်းမြစ်များ

Yobu 11:9

Alla wara-koe kolo duninya kɛ ko. A kɔnɛ kolo kɔgɔ-yi ko.

Yobu 28:25

Alla ya fanka don fɔnyɔ bolo nya min wo, a ya kɔgɔ-yi dan tɛgɛ nya min wo,

Yobu 34:13

Yon ya dugu-kole kɛ latenbi Alla ma? Yon ya mansayɛ di a ma duninya mumɛ bɛɛ kuma?

Yaburi 19:4

Hali anu bi kilayɛ min nakela, wo si ke duninya-tonke bɛɛ rɔ. Alla ya kan tinɛ do ladan tele ye san-kole ma.

Yaburi 78:55

Iko ala mɔgɛnu bi tala nya min, a tora nyɔ-sigila-kɔrɛnu gbenna wo nya na le. A ya nyamanɛ ratala Isirɛla bɔnsɔnnu na. A ya anu yogenuna bɔnnu natenbi anu ma.

Hɛnkilimaya-Kumɛnu 8:27

Alla ye san-kole rafulenna kɔgɔ-yi kuma tumɛ min, n bi nyɔ nun.

Hɛnkilimaya-Kumɛnu 8:29

Alla ya kɔgɔ-yi-dan sa n yala le. Alla ya duninya kurukɛ n yala le.

Aiseya 34:11

Nyamanɛ wo si ma gbingbinnyagan anubɛ mansa-wala-konanu nyagan sa tinɛ la. Duduyi-gbansan si to nyɔ. Mari si a ma wula-da-rakolɔn la.

Aiseya 40:12

Mɔgɛ si ke kɔgɔ-yi sumanna a bole tɔ? Mɔgɛ si ke san-kole sumanna a nunkan la? Mɔgɛ si ke duninya-bɔnkɛ kɛla kalamɛ rɔ? Mɔgɛ si ke fan do bila ka kɔnkɛnuna gbiliyɛ-yatɛ lɔn?

Aiseya 40:22

Duninya-dannɛ le siginɛ ala mansaya-waganɛ rɔ. A ye san-kole kɔma duninya kuma pon! Mɔgɛ mani de a yala iko mɛnɛ-mɛnɛnɛnu. A ya san-kole rafulen de iko yorolan, ni wo ma, fani-bɔn.

2 Kɔrɛnti 10:16

Wo le, ma si ke ka kibara-nyima-kawandili bɔ nyamanɛ wonu tɔ minnu bi wo kɔma. Donu bara wɔlɛ min kɛ mɔgɛ donu barɛ, ma kana wasi wo la.

1 Samuwɛli 2:8

Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.