Yobu 38:28 - ALLALA KUMƐ

²⁸ Bandɛ anubɛ duri, wonu fanu bi nyɔ iko mɔgɔni-finyɛ?

Yobu 38:28 ပူးပေါင်းရင်းမြစ်များ

Ko-Dabirɛnu 27:28

“I wa ila sɛnɛ sa kan-bo-kan, alamɛ duri tora yigila a kuma ka a sabati. Alamɛ Alla ya ila fui-fannu anubɛ ila nɔnbɔ-gbɔɛnu nasabati.

Ko-Dabirɛnu 27:39

A fa ya a fɔ a ye ko, “I ti dugu-hakikɛ sɔrɔn i si i sigi kan min. Duri-wo duri ti yigi ila sɛnɛnu tɔ min si anu sabati.

2 Samuwɛli 1:21

“Alamɛ duri anubɛ bandɛ kana yigi Kilabowa kɔnkɛ kuma. Alamɛ bin kana fɛrɛn nyɔ tun bawo kerintenuna nɛgɛ-walannu sanɛ nyɔ rɔ miliyɛ rɔ. Mansa Sɔlila nɛgɛ-walan ma ti mun tun tuli la min si a lamalan-malan.

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

Yobu 29:19

N mani de iko kɔlɔma min suli ti foo yi la. Kunbi siginɛ kɔlɔma wo yanba-kunyɛ la tuma-wo-tuma.

Yobu 36:27

Alla le ye yi labɔla dugi rɔ ka a yɛlɛma bandɛ la.

Yobu 36:28

A ye a mala, bandɛ ye nala alako mɔgɛ bɛɛ ni yi sɔrɔn.

Yobu 38:8

Dugi tenbi wolonna kɔgɔ-yi la ka a punsɔgɔ tumɛ min, yon ya a buyi lafaga a kɔma nun ka yi wo dan sa?

Yaburi 147:8

A ye banda-finyɛ rafulenna san ma tala. A ye yi kɛla dugi ma. A ye binyɛ lafɛrɛnna kɔnkɛnu ma.

Hɛnkilimaya-Kumɛnu 3:20

Ata hɛnkili-wɛ le ya a ma, bɛnu sara anu worɔn la. Wo le ye a mala fanan, san-kole ye bandɛ layigila dugi ma.

Yɛrɛmaya 10:13

A nɛn-naban kumala, bandɛ si tugu. A si a ma, banda-yi la ni dɛn dagɛ rɔ ka bɔ duninya kan-tinɛ bɛɛ rɔ. A si san-sɛran anubɛ bandɛ lana. A si fɔnyɔ labɔ ala fɔn-barɛnu tɔ.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 5:24

Wo sa a fɔla wo nyɔgɔn ye ko, “Ma ni kilan mata Mari Alla la wona. Ale le ye bandɛ lanala ma ye a tumɛ rɔ. Ale le ye a mala, ma ye mala fui-fannu tɛgɛla a tumɛ rɔ.”

Hoseya 14:5

N si diya wole, Isirɛla mɔgɛnu ye iko bandɛ wa kɛ dugu-gbalanɛ ma. Wo si ma iko kɔlɔma min bara fere bɛrɛkɛ! Wo si banban iko Lɛbanan kɔlɔma min suli yiginɛ pon!

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Emɔsi 4:7

Ni wo ya a yen kɔnkɔ-fitinɛ nara, Mari ko ale le ya wo beli banda-yi la. A ya bandɛ lana soe donu tɔ, a ya donu beli a la. A ya bandɛ lana sɛnɛ donu tɔ, a ya donu beli a la.

Matiyu 5:45

Wo le si a ma, i si ma iko i Fa Alla min bi Arinyɛni tɔ bawo a ye ala tele labɔla mɔgɔ-nyimɛ anubɛ mɔgɔ-yogomɛ bɛɛ ye nya-kun-kelen. Ko-latelenni-kɛla wo, ko-yogoma-kɛla wo, Alla ye bandɛ lanala wo bɛɛ ye.

Tɔn-Fɔɛ-Fila-Nyɔgɛ 33:13

Musa duwara Yusufula den-kemini filɛ wonu bɔnsɔn-mɔgɛnu ye ko, “Alamɛ Mari ya banda-siyaman nana wola dugi rɔ biribiri! Alamɛ Mari ya a ma, wola kɔlɔnnu anubɛ wola tenkenu kana gbala mumɛ!

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.