Yobu 37:5 - ALLALA KUMƐ

⁵ Alla tenbi kumala, kabana-ko-wɛnu bi mala, ma ti ke minnu nya-yenna, ado male hadama-dannu ti ke wonu dan lɔnna.

Yobu 37:5 ပူးပေါင်းရင်းမြစ်များ

Yobu 11:7

Ile si ke Allata gbundinu lɔnna, wa? Ile si ke Alla Sɛnbɛ-Bɛɛ-Tigi hɛnkili nya-yenna?

Yobu 26:14

N bara koe min bɛɛsi rakaran kɛ, a dɔgɔmɛ le wonu na. Allata fanka-wɛwɛ le wonu na. Nba, yon si ke ata fanka kuma-yɛlɛnɛ nya-yenna worɔ?

Yobu 36:26

Mɔgɛ ti ke Allata kabana-koenu nya-yenna muk! Alla ara san min nyɔgɔn bɔ, ma ti ke wo yatɛ lɔnna.

Yobu 37:14

Nba Yobu, i wɔlɔ matɔlɔ fɔlɔn, Alla ye kabana-koe minnu mala, i miri wonu ma.

Yobu 37:16

Alla ya kabana-ko-wɔlɛ min kɛ ka banda-finyɛ kɛ dun san ma, i ya wo lɔn?

Yobu 37:2

Wo dama ni wo tole masɔ Allata kumɛ la min bi bɔla a karɛ rɔ san-sɛran rɔ.

Yobu 37:4

Wo kɔma, san min bi sɛrɛnna wo la, Alla kuman-kan-makilanni-bɛ le wo la min bi bɔla a karɛ rɔ. Wo bɛɛ rɔ, banda-nyin-masɔgɛ ye kɛla.

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yobu 5:9

Male ti Allata ko-makawanɛ-dan lɔn, ado ala kabana-koenu dan sa.

Yobu 9:10

Alla ye kabana-koe min bɛɛsi ladanna, ma ti ke wonu dan lɔnna, ado ala ko-makawanɛnu-dan sa.

Yaburi 18:14

Mari ya san-sɛran lakɛ n yogenu ma iko kalabɛn ka anu tanyɛnsɛn.

Yaburi 29:3

Mari kuman-kan ye bɔla kɔgɔ-yi kuma. A tenbi kumala, a mani de iko fɔnyɔ anubɛ san-gbalamɛ.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Aiseya 40:28

Wo ma a lɔn, ba? Wo ma a lamɔɛn nun, ba? Habadan-Alla le Mari la. Ale le ya duninya dan, yɔ! A ti bandan. A ti yunkun. Mɔgɔ-wo-mɔgɔ ti ke a miriya lɔnna.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.