Yobu 37:19 - ALLALA KUMƐ

¹⁹ Nba Yobu, ma si min fɔ Alla ye, ma labila wo la bawo ma ye pinpi le tɔ kɛ la. Ma sa ko-wo-ko kalama.

Yobu 37:19 ပူးပေါင်းရင်းမြစ်များ

Yobu 12:3

Kɔnɔ hɛnkili ye nde fanan bolo iko wole. Wo ma tenbi n na fenfen tɔ. Wo ara kumɛ min bɛɛsi fɔ kɛ la, mɔgɛ bɛɛ ya wo lɔn.

Yobu 13:3

Kuma sa malebɛ wole tɛma. A ye mabɛ Alla Sɛnbɛ-Bɛɛ-Tigi le tɛma, ado n bi nna kiti lawulila mabɛ Alla tɛma.

Yobu 13:6

Wo ni wo tole masɔ. Nde fanan ni ntɛ rakaran wo ye.

Yobu 26:14

N bara koe min bɛɛsi rakaran kɛ, a dɔgɔmɛ le wonu na. Allata fanka-wɛwɛ le wonu na. Nba, yon si ke ata fanka kuma-yɛlɛnɛ nya-yenna worɔ?

Yobu 37:20

Kɔnɔ ni nde le, kuma-wo-kuma sa n bolo tun n si min fɔ Alla ye alako n kana n kasara-kilɛ yira a la.

Yobu 38:2

Nfenna ile ye sikɛ donna nna hɛnkilimayɛ rɔ ita kuma-rakolɔn fɛ?

Yobu 42:3

Mari, ile le ya nyinikalɛ sa ko, “Yon bi kun-takolɔn kɛ la min bi ila hɛnkilimayɛ manyinikala?” Nde ko-nya-yenbɛlɛ le ya wo ma bawo n ma kabana-koe wonu nya-lɔn.

Yobu 9:14

Nde si nfen sɔsɔli-sufa lawuli ale Alla ma? Kuma sa n bolo n si Alla sɔsɔ min na.

Yaburi 139:6

I ya n lɔn nya min, wo da-rakolo. N ti ke wo nya-yenna.

Yaburi 73:22

n mani de wo wati rɔ iko soge. N ma ile Mari lɔn.

Romu 8:26

Allata Ni-Sɛnimɛ fanan bara na ka male sɛnbɛbɔnɛnu dɛnbɛ wo nya na le, ado ma si madiyali kɛ minna ko la, ma ma wo lɔn. Ata Ni-Sɛnimɛ ye kurunna Alla madiya tinɛ, ma ma min fɔ-nya lɔn.

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!