Yobu 37:18 - ALLALA KUMƐ

¹⁸ Ile si ke Alla dɛnbɛna san-kole rafulen tinɛ ka a manunku iko nyɛrɛ-mafɛlan min manunkunɛ pinapina?

Yobu 37:18 ပူးပေါင်းရင်းမြစ်များ

Yobu 37:17

Ile si wusi tirindi tele kɔrɔ dɔrɔn. Dugula-fɔnyɔ si a ma, nyamanɛ ni kaliya kodokodo!

Yaburi 104:2

I wara waan ma i nyɛrɛta duruku-ba la. I wara san-kole rafulen iko fani-bɔn.

Yaburi 150:1

Bɛɛ ni Mari tanto. Alla tanto a Bato-Bɔn la. A tenbi ala Arinyɛni-makawanɛ rɔ, ma ni a tanto.

Bɔ-Koe-Iyipiti 38:8

Musi minnu bi wɔlila Marita Fani-Bɔn dafɛ dagɛ kɔma kilɛ la, wonu nara anuna sila-nyɛrɛ-mafɛlannu na ka anu ma kɔ-fan la Mari ye. Bɛsalɛli ya wonu ma yi-sigi-miran anubɛ a sigi-fan la.

Hɛnkilimaya-Kumɛnu 8:27

Alla ye san-kole rafulenna kɔgɔ-yi kuma tumɛ min, n bi nyɔ nun.

Aiseya 40:12

Mɔgɛ si ke kɔgɔ-yi sumanna a bole tɔ? Mɔgɛ si ke san-kole sumanna a nunkan la? Mɔgɛ si ke duninya-bɔnkɛ kɛla kalamɛ rɔ? Mɔgɛ si ke fan do bila ka kɔnkɛnuna gbiliyɛ-yatɛ lɔn?

Aiseya 40:22

Duninya-dannɛ le siginɛ ala mansaya-waganɛ rɔ. A ye san-kole kɔma duninya kuma pon! Mɔgɛ mani de a yala iko mɛnɛ-mɛnɛnɛnu. A ya san-kole rafulen de iko yorolan, ni wo ma, fani-bɔn.

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Yɛrɛmaya 10:12

Alla ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko nya-yen le la.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.