Yobu 35:8 - ALLALA KUMƐ

⁸ I hakɛ ye i hadama-den-nyɔgɛnu denu tɔrɔla dɔrɔn. I ya ko-nyima wo ko-nyima ma, wo tɔnɛ si to wonu denu ye.

Yobu 35:8 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

Yobu 35:7

Hali i mara telenbagɛ la, Alla si tɔnɔ-nyamintan sɔrɔn wo rɔ? Alla sa nyinina fenfen ma i bolo.

Yobu 35:9

Mɔgɛnu ba tɔrɔyɛ sɔrɔn, anu si to gbɛngbɛrɛnna. Anu si di mɔgɔ-gbɛrɛnu dala alako wonu ni anu nakisi fankalamɛnu ma.

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Yaburi 106:23

A fɔɛ Alla bolo ko a ye ala mɔgɛnu kasarala, ata wɔli-kɛla-yabɔnɛ Musa ya a sɔ Allata mɔgɛ wonuna ko la gben! A ya anu kanan Allata fondo-bɔɛ ma.

Yaburi 106:30

Kɔnɔ Finihasi ya a sɔ gben, ka ko-yogoma-kɛlɛ tɔrɔ woletɔ tɔn sigira kiraya-fitinɛ wo la.

Makawandili Kumɛnu 9:18

Hɛnkilimayɛ fisa kɛlɛ-kɛ-miran-siyamɛ ko kɔnɔ ko-yogoma-kelen si ko-nyima-siyaman tinya.

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Yona 1:12

Nɛbi Yona ya anu yabi ko, “Ni wo ko tɔn ni sigi fɔnyɔ kɛ la, wo ni n nakɛ yi rɔ. Tɔrɔyɛ min bɛɛsi ara sigi wo ma kɛ la, wo ni wo tɛgɛ sigi nde, Yona ma. N gbɛ le.”

Kɛwɔlɛnu 27:24

Wo ya a fɔ n ye ko, ‘Pɔli, i kana kilan. A fɛrɛ sa fɔ i ni i sɔ Romu nyamanɛ kun-tigi-ba yakɔrɔ. I ta-nyɔgɛ bɛɛ min bi kulɔn kɛ rɔ, Alla ara anu bɛɛ niyi latanka ala nyimayɛ rɔ.’

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Yasowa 22:20

Ekan ya hakɛ min kɛ, wo ara nyina wo ko, wa? A ya Marila kumɛ tinya ka fan donu kankan anu bɛnnɛ ka minnu di Mari ma. Ekan kelen pe ma faga hakɛ wola ko la. Isirɛla mɔgɛ bɛɛ tɔrɔta kankanyɛ wola ko la.”