Yobu 35:15 - ALLALA KUMƐ

¹⁵ Ile ya a fɔ nun ko Alla ti mɔgɔ tɔrɔ. I ye a fɔla fanan tun ko Allata sa hadama-dan hakɛ wara-koe rɔ.

Yobu 35:15 ပူးပေါင်းရင်းမြစ်များ

Yaburi 89:32

i si anu tɔrɔ worɔ anu hakɛla ko la. I si anu natɛn anu sɔn-yogomɛla ko la kɔrr!

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

Luka 1:20

Kɔnɔ i ma la nna kumɛ la ko a si bɔ-a-la ala wati-latɛgɛnɛ rɔ serr! Nba i ma la wo la min kɛ, woletɔ i si boboya. N bara kumɛ min bɛɛ fɔ i ye wo la, fɔ wonu ba bɔ-a-la yanni i ni to kumala.”

Yobu 13:15

Hali ni Alla ya n faga, a bɔrɔ sa n ye tun. N si to nta kumɛ sala a kɔrɔ.

Yobu 9:14

Nde si nfen sɔsɔli-sufa lawuli ale Alla ma? Kuma sa n bolo n si Alla sɔsɔ min na.

Yobu 4:5

Kɔnɔ kaka, tɔrɔyɛ ara na ile kuma, yaga, ile ti ke i munna wo kɔrɔ.

Yilan-Yilan Koe 20:12

Kɔnɔ Mari kumara Musa anubɛ Aruna ma. A ya a fɔ anu ye ko, “Bawo wo ma la n na ka nta kumɛ bira ka nta gbiliyɛ anubɛ nta fanka yira mɔgɛnu na min kɛ, woletɔ wo ti sɔ mɔgɛ kɛnu yarɔ ka ta anu na lanyiri-nyamanɛ rɔ n bara min di wo ma.”

Yobu 35:14

Yobu, ile ye a fɔla ko i sa Alla yenna. Kɔnɔ ile ni a makɔni tun. Ita kiti wo ye Alla bolo.

Yobu 35:16

A gbɛnɛ n ye feu, ko ile Yobu ya kumɛ min bɛɛsi fɔ, kun-takolonya-kumɛ le wonu na. I ye fenfen fɔla, i sa wo kalama.

Makawandili Kumɛnu 8:12

Hali mɔgɛ ya ko-yogomɛ kɛ iko kɛmɛ, a ni to a niyi la kɔnɔ n lanɛ a la ko min bi Alla gbiliyala, wo wara-koe si tenbi karagbɛlɛtɛ la.