Yobu 34:29 - ALLALA KUMƐ

²⁹ Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yobu 34:29 ပူးပေါင်းရင်းမြစ်များ

2 Samuwɛli 7:1

Mari ban Mansa Dawuda latankala a yoge bɛɛ ma, mansɛ niyi-labilanɛ tora siginɛ ala bon-kurɛ la.

2 Ko-Kɔrɔta-Karan 20:30

Mansa Yɛhosafati ya ala mansaya-toe duni yisi-kimɛ rɔ. Alla ya ala nyamanɛ latanka kan tinɛ bɛɛ rɔ ala foolɛ bɛɛ rɔ.

Yobu 12:14

Alla ara ban min nawuyala, mɔgɔ-wo-mɔgɔ ti ke wo lasɔla tun. Alla wa mɔgɛ min nadon yele la, mɔgɔ-wo-mɔgɔ ti ke wo kunkala.

Yobu 23:13

Alla ti yɛlɛma, ado mɔgɔ ti ke a sɔla a la. Mɔgɔ ti ke a lakalala.

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Yobu 34:30

Ni a ya wo ma, mɔgɛ ti ke tɔn sigila kun-tigi-karagbɛlɛnuna karagbɛlɛyɛ ma.

Yaburi 13:1

E, Mari, i si to nyinala n ko ha wati nyamintan? I si to i dogonna n ma ha wati nyamintan?

Yaburi 143:7

E, Mari, n denkun tiriya bawo n yigi ara tɛgɛ. I kana i dogon n kɔrɔ. Ni i ya wo ma, n si taran mɔgɔ-faganɛnu tɛma lakira.

Yaburi 27:9

I kana i nyɛrɛ dogon n ma. I kana diminya n ma ka n gben. Kebi fɔlɔ, n dɛnbɛnɛ le ile la woletɔ i kana n boloka. E, Alla, nna kisilɛ le ile la.

Yaburi 30:7

Mari, i ye n fɛ wati min, n tagbɛlɛ iko kɔnkɛ. Kɔnɔ i ya i kan-kɔ sɔ n na wati min, n yisi tinyanta.

Yaburi 94:10

Ale min bi sibole doinu tɔrɔla, a si to worɔ, a ma mala kun-tigi-karagbɛlɛnu tɔrɔ, wa? Ale min bi mɔgɛ bɛɛ karanna, hɛnkili sa ale bolo, nyɛ?

Yaburi 94:13

I si a ma, wo ni a sulen tɔrɔyɛ ma ha denkɛ ni sin karagbɛlɛ wonu ye.

Bɔ-Koe-Iyipiti 33:14

Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 32:17

Yisi kimɛ anubɛ lafɛrɛ si taran nyamanɛ wo tɛngbɛnya bɛɛ rɔ bawo mɔgɛnu bi ko-telennɛ mala.

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Isikiyɛli 34:15

Nde nyɛrɛ-nyɛrɛ si ma nna sagɛnu fɛ-biralɛ la. N si sulen-tina-hakikɛ di anu ma. Nde, anu Tigi Mari ara ban kɛ fɔla.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Filipai 4:7

Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.