Yobu 33:26 - ALLALA KUMƐ

²⁶ A wa madiyali kɛ, Alla si a yabi. A si Alla bato sewɛ rɔ. Koe bɛɛ si ta a kilɛ fɛ anubɛ Alla tɛma.

Yobu 33:26 ပူးပေါင်းရင်းမြစ်များ

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

Yobu 19:27

N si Alla yen n ya-bɛrɛbɛrɛ kɛ la, ado n ba a yen, n si a lɔn de ko n diyana-mɔgɛ le. N sogesoge si to a yen-koe rɔ.

Yobu 33:25

A fɛrɛ si nɔrɔn a ma. A ra ni gbɛlɛya gbon!

Yobu 34:11

Mɔgɔ ya ko-wo-ko ma, a si i sara wola ko la. A ye anu birala iko anu kɛ-nya ye nya min.

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Yaburi 16:11

I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.

Yaburi 18:20

Mari ya n sara nta telenbagayɛla ko la. A duwara n ye bawo fɛɛ sa n na.

Yaburi 28:6

Ma ni Mari tanto wona bawo a ara nna madiyali-kan lamɔɛn n dɛnbɛn-koe rɔ.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 50:14

Kɔnɔ wo ni baraka-birɛ ma sarakɛ la n ye. Wo ara n yili-madiya fan min bɛɛla ko ma, wo ni wonu di nde, Mari Sɛnbɛ-Bɛɛ-Tigi ma.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Yaburi 67:1

E, Alla, kinikini ma ma ka ita duwɛ layigi ma kuma. I ni ko-nyimɛnu kɛ ma ye.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Hɛnkilimaya-Kumɛnu 24:12

Ni i ya a fɔ ko, “Ndeta sa kɛ rɔ,” Alla ya a lɔn i ya i bole bɔ a rɔ min na, wo si a ma, a ni i kiti. Alla ye i mafɛlɛnna, ado a ya a lɔn min bi i burɔ. A si i sara iko i kɛ-nya ye nya min.

Aiseya 30:19

Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Kɛwɔlɛnu 2:28

I wara habadan-niyi-kilɛnu yira n na, ado i si n nafa sewɛ la i yakɔrɔ.’

Kɛwɔlɛnu 9:11

Mari ya a fɔ a ye ko, “I ni i rabɛn. I ni ta Yudasila bɔn la kilɛ dafɛ min tɔgɛ Kila Telennɛ. I ni Tarasa kɛ Sɔli manyinika. A ye madiyali kɛla nyɔ.

Hiburunu 11:26

A ya a lɔn ko ka tɔrɔ Kirasitila ko la, wo tɔnɛ kolo Iyipiti nɔnfuli bɛɛ ko. A ya a yɛ sɔ barayi-natoenu na.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

1 Samuwɛli 26:23

Lanaya-mɔgɛ minnu si ko-latelennɛ kɛ, Mari si wonu barayi. Mari min ya i ma mansɛ la, wo ya i don n bolo bi kɔnɔ n ma ko-wo-ko ma i la.