Yobu 33:19 - ALLALA KUMƐ

¹⁹ Alla si mɔgɛ tɔrɔ kiraya-yogomɛ la alako a la ni telen wo fɛ. A si dumɛ gbere mɔgɔ fɛrɛ rɔ.

Yobu 33:19 ပူးပေါင်းရင်းမြစ်များ

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 16:12

Mansa Esala mansayɛ san bi-sawa ani san kɔnɔntɔ nyɔgɛ (39) ma, kirayɛ ya a lanamaraya. Kɔnɔ hali wo, a ma wo sa Mari kin kɔrɔ, fɔ bɛsi-bɔlɛnu.

Yobu 20:11

Hali a fɛrɛ-bɔnkɛ kin a ma nun, a ragbɛlɛ fanan, a ti mɛ, ale karagbɛlɛ si sɛgi gbangban rɔ.

Yobu 29:17

N ya karagbɛlɛnu sɛnbɛ tinya ka mɔgɛnu bɔ anu bolo anu bi minnu tɔrɔla nun.

Yobu 30:17

Suyi rɔ, n kole kɛ bɛɛ si n dumɛ. N bi dumɛ min kɔrɔ, wo ma ti kimɛ mumɛ!

Yobu 7:4

N ba n sa suyi rɔ, suyi fɛ si yanya n yala. N si to n mayɛlɛma-yɛlɛmana. N bi gbaranna bandɛla ke le la.

Yaburi 119:67

N sa kila-nyima fɛ nun, woletɔ i ya n tɔrɔ kɔnɔ n bi ita sereyanu birala kaka.

Yaburi 119:71

Nna tɔrɔyɛ bɛnta n ma bawo wo le ya a ma, n ya ita sereyanu lɔn.

Yaburi 73:14

E, Alla, i wara a ma, n bi tɔrɔla tele-wo-tele. I ye n tagbesila sɔgɔma-wo-sɔgɔma.

Yaburi 94:12

Mari, ile ya mɔgɛ min nabila, wo sewani de bɛrɛbɛrɛ-wɛ-kɛ, ile ya min karan tɔn ma, kɔni.

Makawandili Kumɛnu 8:6

Hali a gbɛlɛ mɔgɛ kuma, koe-bɛɛ-ladan-nya ye nyɔ anubɛ a wati.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

1 Kɔrɛnti 11:32

Mari ye ma kitila ka ma tɔrɔ kaka alako mabɛ dɛnkɛninyabɛlɛnu kana halaki ma nyɔgɔn fɛ kiti-tɛgɛ-lunyɛ.

Tɔn-Fɔɛ-Fila-Nyɔgɛ 8:5

Wo ni a lɔn fanan yati, ko Mari Alla si wo kolo iko wo fanu si wo makolo nya min.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.