Yobu 32:13 - ALLALA KUMƐ

¹³ Wo si ke a fɔla wo rɔ kama ko wo ara hɛnkilimayɛ sɔrɔn? Fɔ Alla wa Yobu yabi bawo wole ara foo fɛlɛlɛ!

Yobu 32:13 ပူးပေါင်းရင်းမြစ်များ

Yobu 1:21

A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yobu 19:21

N diyana-mɔgɛ, a bɛnta, wo ni kinikini n ma. Alla kɔɛn ara n gbesi dugi la.

Yobu 19:6

Wo ma a lɔn ko Alla gbɛ le kɛ la, wa? Wo le wara yili lasigi ka n bira.

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yobu 31:40

yanni fui-fan ni fɛrɛn wɔli-kɛ-tinɛ wo rɔ, alamɛ wɔnɛ anubɛ binyɛ le fɛrɛnta nyɔ rɔ. Yobu ya ata kumɛ laban nya min, wo le kɛ la.

Yobu 32:12

N tole masɔnɛ wo la a kin na! N ya a yen, wo ma Yobu nɔ muk! Wo ma ke Yobu sɔn yirala a la.

Yobu 32:14

Wolebɛ Yobu le ye kumɛ ratantanna wo nyɔgɔn tɛma nun, nde ma de! Ni malebɛ Yobu le ye kumɛ ratantanna ma nyɔgɔn tɛma nun, n ti a yabi nun iko wole ya a yabi nya min.

Yobu 4:9

Alla wa anu fɛ, anu si halaki. Ni Alla fonde bɔra, anu si kasara.

Yobu 6:4

Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.

Aiseya 48:5

Woletɔ a ko koe min bi nala mala wo la yarɔ, a ya wonu fɔ. A ye koe fɔla le, a ni na to bɔla-a-la. A ya wo ma le alako wo kana na a fɔ ko wola bɛsi-lɛsɛnɛnu anubɛ wola bɛsi-laleenɛnu bara kɛnu ma.

Aiseya 48:7

A ye nala wonu mala kaka le gbɛ, ado koe wonu ma taran mala nun. Ni a taranta ko-kɔrɛnu denu denu bi nun, wo si to a fɔla ko, “Male nyɛrɛ-nyɛrɛ ya a lɔn kɔrɔma la.”

Aiseya 5:21

Gbalo ye wo ma bawo wo miri ko wo hɛnkili da-rakolo, ado wo halli.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Isikiyɛli 28:3

A miri ko hɛnkili ye a bolo ka tenbi Danɛli la ko mɔgɔ ti gbundu-ko dogon a ma.

Sakaraya 12:7

A ko ale Mari si a ma, Yuda kɛlɛ-dannu fɔlɔn ni nɔ-ko sɔrɔn alako gbiliyɛ min bi Mansa Dawuda bɔnsɔn anubɛ Yerusalɛm kɛnu bolo, wo kana na tenbi Yuda mɔgɛ toenutɛ la.

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

1 Kɔrɛnti 3:18

Mɔgɔ-wo-mɔgɔ kana a nyɛrɛ yanfa. Ni min mirinɛ ko hɛnkilimɛ le ale la duninya kɛ rɔ, a fisa, duninya ni a lɔn kuntan la alako a si hɛnkili-bɛrɛ sɔrɔn nya-min.

Kɛlɛ-Kurugbɛnu 7:2

Mari ya a fɔ Kidiyɔn ye ko, “Bawo ila kɛlɛ-dannu siya, n ti a ma, anu ni Midiyan kɛnu nɔ. Ni anu ya Midiyan kɛnu nɔ, anu bi anu mirila anuna siyayɛ le ma. Nde, Mari ti gbiliyɛ sɔrɔn worɔ.