Yobu 31:9 - ALLALA KUMƐ

⁹ Ni n miri ara ke n sigi-nyɔgɔla musi ma tele-kelen-bɛrɛni ka a makɔni bonda-dɛ la,

Yobu 31:9 ပူးပေါင်းရင်းမြစ်များ

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

Nihɛmaya 13:26

N ya a fɔ anu ye ko, “Sibolo-gbɛrɛ furu-nyɔgɔnyɛ, wo le ya a ma, Mansa Silamɛni ya hakɛ kɛ. A mankan koloyara mansɛ bɛɛtɛ ko. A diyara Alla ye furr, ha a ya a ma Isirɛla mansɛ la. Yaga, wo ye hakɛ kɛla le.

Yobu 31:1

N bara lanyiri kiri nun ko n yɛ kana bɔ sunkurɔn la.

Hɛnkilimaya-Kumɛnu 22:14

Yɛlan-dɛ mani de iko denka-rayan-bɛ, minnu bi Marita diminyɛ kɔrɔ, wonu denu bi buila a rɔ.

Hɛnkilimaya-Kumɛnu 6:25

Hali yɛlannu kinyara ka a dan-natenbi, anuna kinyɛ kana i bole labira. Anu bi anu yɛ min tɛgɛla a kɔrɔ, wonu kana i bole labira.

Hɛnkilimaya-Kumɛnu 6:27

Ni mɔgɔ ya ta-wɔlɔn sa a kɔgɔ dɛ ma, ala duruki ti mintan, wa?

Hɛnkilimaya-Kumɛnu 7:21

A ya keminɛ wo bolo labira ala darɔ-diyɛ la.

Makawandili Kumɛnu 7:26

N bara koe do yen min gbɛlɛ sayɛ ko. Wo le wo musi la min tɔgɛ musu-milibɛlɛ. A mani de iko gbɛrɛ. A yisi mani de iko fɛlɛ-wɛ. A bole mani de iko yɔlɔkɛ. Allata mɔgɛ le dɔrɔn si a masangba kɔnɔ a ti mɛ hakɛ-tigi wo lasɔrɔnna.

Yɛrɛmaya 5:8

Wo manɛ iko musu-koe waranɛ so-kei min tɔ. Bɛɛ kɔnkɔnnɛ a ta-nyɔgɛla musu ma.

Hoseya 7:4

Setani-mɔgɛ le wo dama la. Wo telenni ma mansɛ ye. Wola koninteyɛ mani de iko mɔgɔ wa ta-wɔlɔn bɔ ta-kɔnɛ kuma.

Saraka-Masɔlɛnuta Tɔnnu 20:10

“Ni kei do ya a sa a ta-nyɔgɛla musi fɛ, Mari ko wo ni anubɛ musi wo faga.

Tɔn-Fɔɛ-Fila-Nyɔgɛ 5:21

“A ko a sigi-nyɔgɛta musu wo, ala bon wo, ala dugu wo, ala yɔɔn wo, ala kolo-fannu wo, mɔgɔ kana a niyi sa fenfen sufa kuma min bi a bolo.

Kɛlɛ-Kurugbɛnu 16:5

Filisitinuna mansɛnu nara musi wo wara. Anu ya a fɔ a ye ko, “Samsin si a fanka sɔrɔn nya min, i ni fɛrɛ nyini a bolo ha a ni a fɔ i ye. Ni i ya wo ma, ma kelen-kelennamɛ-bɛɛ si wodi-gbɛ-gbu waga kelen kɛmɛ kelen (1,100) di i ma. I ni fɛrɛ nyini ma ye, ma si a bira nya min ka a kiri.”