Yobu 31:39 - ALLALA KUMƐ

³⁹ ka sɛnita-fan wo do dɔn, kɔnkɛ ni a tigi-kɔrɛ faga,

Yobu 31:39 ပူးပေါင်းရင်းမြစ်များ

Ko-Dabirɛnu 4:12

Ni i ya i tui ka dugi wɔli, i ti fen sɔrɔn a rɔ muk! I si ma yilan-yilantoe la dugu-kole kuma.”

1 Mansɛnu 21:19

I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

Yobu 24:10

Kɔnɔ bolo-kolɔn gbu-makolɔn si to. Hali anu tenbi dɔn-fen tɛgɛla, anu kɔnkɔtoe si to.

Yobu 24:6

Fɔ anu ba ta wɔliwɔlɛ kɛ mɔgɛnu ye anuna sɛnɛnu tɔ. Anu bi tala ki-fen-gbɔɛnu matɔnbɔnna mɔgɔ-yogomɛnuna nakɔɛnu tɔ.

Hɛnkilimaya-Kumɛnu 1:19

Kankan tɔgɔ si to kankanyɛ le la. Karagbɛlɛnu fanan si ban wo nya na le.

Aiseya 26:21

Mari ye nala bɔla ata kan-tina-sɛnimɛ rɔ san-kole rɔ. A ye nala mɔgɛnu tɔrɔla dugu-kole kuma anuta hakɛla ko la. Anu ya mɔgɛ min bɛɛsi faga dogɔn tɔ, wo bɛɛ si bɔ gbɛ ma wulɔn. Minnu bara faga nun, bɔnkɛ ti a sansan wonu ya ma tun mumɛ!

Yɛrɛmaya 22:13

Mari ko gbalo ye ale mansɛ ma, ale min bi ala bolɔn sɔla wunduyogoya-fan rɔ. A kɛnɛna mɔgɛnu bole labirala alako a ni ala bolɔn lakoloya. A ye a fɔla ko a si bolon-ba-belebele sɔ a nyɛrɛ ye. San-bɔn wo konkonu si ma fulan! A si wundan-ba-dɛgbɛnu sɔ ka sida-fɛrɛnnu sa a dandan ma tala. A wa ban, a si nɛrɛ-wulan nɔrɔn a ma. Kɔnɔ a ye ala mɔgɛnu nawɔlila, a sa fenfen dila anu ma. Hali fen-yantarani, a ti a di anu ma.

Isikiyɛli 22:6

Isirɛla kun-tiginu ma la fenfen na fɔ anu nyɛrɛta sɛnbɛ. Wo kɔma, anu ya mɔgɛnu faga.

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!