38 Ni n ya nna wɔli-kɛ-tinɛ kensunya mɔgɛ le ma
San-kole nyɛrɛ si ala ko-yogomɛnu nabɔ gbɛ rɔ. Dugu-kole si ma sereyɛ la a kan ma ka a yiliki.
Mɔgɛnu bi dan-kurinu bɔla anu gbɛ rɔ, alako do ni sa anuta dugi kuma. Anu bi mɔgɛnuna sagɛnu kankanna ka wo kofu anuta kolo-fannu ma.
Gbɛkolenu nafanɛ sagɛnu na, ado mala sɛni sa tinɛnu na ara fa fui-fannu na. Wo bɛɛ mara sewɛ anubɛ lɛnkɛ-gbesi la ma bolo.
Hali kuri minnu manɛ wola bon-kurukɛ-fannu na, wonu bi wo sɔn sɔla wo rɔ anu kulu-mayɛlɛnɛ la. Bon-gbarannu fanan bi wo labirala.
Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!
