Yobu 31:30 - ALLALA KUMƐ

³⁰ N ma n yogenu danka alako anu ni faga bawo hakɛ le wo sufa la.

Yobu 31:30 ပူးပေါင်းရင်းမြစ်များ

Yobu 5:3

N bara kun-takolɔn do yen nun min wara-koe ara ta yarɔ kɔnɔ a ma mɛ, mɔgɛ do ya anubɛ ala denbayɛ danka.

Makawandili Kumɛnu 5:2

I miri yanni i ni kuma. Alla yili-madiya-kumɛ kana bɔ mɔgɔ da rɔ yona. Ale ye san-kole rɔ, male ye dugu-kole kuma, woletɔ i kana kuma-pɔrɔtɔ-paratɛ fɔ.

Makawandili Kumɛnu 5:6

I kana sɔn, i dɛ ni i don hakɛ rɔ min si a ma, i ni ta a fɔ saraka-masɔlɛ ye ko, “N ya Alla yili-madiya min na, n bara sama wo la.” Nfenna i si a ma, Alla ni diminya i ma? Nfenna i si sɔn Alla ni i bɔnɔ i tɔrɔ-gbɛ rɔ?

Matiyu 12:36

“Nba, n ni a fɔ wo ye, kiti-tɛgɛ-lunyɛ, mɔgɛnu bi kuntanya-kumɛ min bɛɛ fɔla, anu si anu dantɛgɛ Alla ye wo bɛɛla ko la.

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Romu 12:14

Minnu bi wo niyi ragbɛrɛnna, wo ni duwa anu ye. Wo kana anu danka fɔ ka duwa anu ye.

Yemesi 3:6

Ma dɛ mani de iko ta-mɛlan. A dɔgɔ ma fɛrɛ rɔ kɔnɔ a si ta-belebele tugu. A lafanɛ ko-yogomɛ la. A si ko-yogomɛ nyɛnsɛn kan tinɛ bɛɛ rɔ! A si tɛ tugu mala nimayɛ kɛ la nya bɛɛ ma iko tɛ min bi nala ka bɔ nyahanama nyɛrɛ rɔ.

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.