Yobu 31:28 - ALLALA KUMƐ

²⁸ Ni n ya wo ma nun, a bɛnta, n ni faga bawo n bara bila Alla la.

Yobu 31:28 ပူးပေါင်းရင်းမြစ်များ

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

2 Samuwɛli 3:32

Anu ban Abina togonna Hiburɔn soe burɔ, ale mansɛ ya a karɛ sa-a-rɔ di-kɛ-tinɛ anubɛ ala mɔgɛnu.

Yobu 23:7

Mɔgɔ-telennɛ le nde la. N si nta kumɛ rakaran a ye, a si a wɔlɔ matɔlɔ n na a kin na! A si nna kumɛ ban ka yoe di n ma.

Yobu 31:11

Karagbɛlɛyɛ sufa wo, a bɛnta ka miriya-yogoma-tigi wo faga.

Yobu 31:27

Ha bi, n ma kilɛ boloka ka anu gbiliya dogɔn rɔ. N ma ko-wo-ko ma n nyɛrɛ la anu bato tinɛ.

Yobu 9:15

Hali tonyɛ ye n bolo, n ti a manyinika fɔ n ba a madiya le alako a ni kiti bɔ n kuma.

Yaburi 50:6

San-kole si a yira ma la ko kiti-tɛgɛla-latelennɛ le Alla la.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Tɔn-Fɔɛ-Fila-Nyɔgɛ 17:9

a si ta kumɛ wo la saraka-masɔlɛnu bara Marita kan-tina-yabɔnɛ wo rɔ anubɛ kiti-tɛgɛla-kun-tigi-wɛ min bi soe wo kun na.

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

Yasowa 24:23

Yasowa ya a fɔ anu ye tun ko, “Awa kaka, wo ni wola bɛsɛnu nakɛ a rɔ ka Isirɛlata Mari Alla bato wo yisi bɛɛsi la.”

Yasowa 24:27

Yasowa ya a fɔ mɔgɛ bɛɛsi ye ko, “Kuri kɛ si ma tamasere la wo ye. Mari ya min fɔ wo ye, a si ma hɛnkili bila koe wo bɛɛ la. Ni wo ya wo ban wola Mari la, kuri kɛ si wo hɛnkili labila ko wo ara wola sarama-kan tinya.”

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

1 Yɔni 2:23

ado min bi a banna Allala dan la, wo tigi ye a banna ma Fa Alla fanan na. Min bi Allala dan rabirala, ma Fa Alla fanan bi wo tigi bolo.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

Kɛlɛ-Kurugbɛnu 11:27

Nde ma ko-yogoma ma wo la. A sɔgɛ ye wole la, wo ni ko-yogomɛ ma male la ka ma kɛlɛ? Mari min si kiti tɛgɛ, alamɛ wo ya kiti tɛgɛ wole Amonnu anubɛ male Isirɛla mɔgɛnu tɛma bi.”