Yobu 31:27 - ALLALA KUMƐ

²⁷ Ha bi, n ma kilɛ boloka ka anu gbiliya dogɔn rɔ. N ma ko-wo-ko ma n nyɛrɛ la anu bato tinɛ.

Yobu 31:27 ပူးပေါင်းရင်းမြစ်များ

1 Mansɛnu 19:18

Kɔnɔ hali wo, n si mɔgɔ waga wɔrɔnfila to a niyi la Isirɛla nyamanɛ rɔ bawo wonu denu telennɛ n ye. Anu ma anu madu Beyali kɔrɔ. Anu ma a sunbu.”

Yobu 31:26

Hali a mɛnsan ye tiila a ma, ha bi, n ma tele bato. Hali a mafɛlan di, ha bi, n ma karɛ bato.

Yobu 31:28

Ni n ya wo ma nun, a bɛnta, n ni faga bawo n bara bila Alla la.

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Isikiyɛli 8:16

A tara n na kata burɔ. N ya mɔgɔ mogan-ni-loli yen saraka-mintan-tinɛ anubɛ Bato-Bɔn don-dɛ tɛma. Anu kan-kɔ sɔnɛ Bato-Bɔn la. Anu yɛ lamununnɛ tele-bɔɛ la ka tele bato.

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Tɔn-Fɔɛ-Fila-Nyɔgɛ 11:16

“Kɔnɔ hali wo, wo ni a ma wo fɛrɛma de! Wo kana wo kan-kɔ sɔ wota Mari la ka ta bɛsɛnu kɔ tinɛ.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.