Yobu 31:24 - ALLALA KUMƐ

²⁴ Ha bi, n ma n yigi sa nna fen-kolomɛnu kuma,

Yobu 31:24 ပူးပေါင်းရင်းမြစ်များ

Ko-Dabirɛnu 31:1

Yakoba ya Lebanna dannu kuman-kan lamɔɛn ko, “Yakoba ara ma fa bolo-fan bɛɛsi kankan. Ale ara ma nɔnfulu-tigi la ma fa bolo-fannu tɔ.”

Yobu 22:24

I ni ila sɛnɛ lakɛ a rɔ gbangban rɔ. I ni ila sɛnɛ-hakikɛ lafili tungban rɔ.

Yaburi 49:17

A wa faga, a ti ta ala nɔnfuli wo la a bolo. Anubɛ ala nɔnfuli wo ti ta, ado a si wo to a kɔma.

Yaburi 52:7

“Wo ni mɔgɛ kɛ mafɛlɛn, a ma la Alla la ko wo le si a kanan. Fɔ ata nɔnfuli, a lara wo le la. A lara ata karagbɛlɛyɛ la ko wo le si a kisi.”

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Hɛnkilimaya-Kumɛnu 10:15

Nɔnfuli si fen-tigi kandan kɔnɔ bolo-kolonyɛ si bolo-kolɔn kasara.

Hɛnkilimaya-Kumɛnu 11:28

Ni min lara ata nɔnfuli la, ala wodi wo si a baya. Kɔnɔ mɔgɔ-latelennɛ si to sabatila iko yanba-kun-kuran si sabati nya min.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Isikiyɛli 28:5

A tora halliya-yilayɛnu kɛla ka tɔnɛ sɔrɔn, ado ala nɔnfulu-tigiyɛ wara a ma wasinte la.

Maraka 10:23

Yisa ya a yɛ lamunun ala karan-dannu na ka a fɔ anu ye ko, “Nɔnfulu-tiginu don-koe Allala mansayɛ rɔ, wo gbɛlɛ de!”

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

1 Timoti 6:10

bawo ko-yogoma-sufa-bɛɛ-dabirɛ le wodi-kenɛ la. A sɔrɔn-sɔgɛ ya mɔgɛ donu bira kati! Wonu tigi bara bɔ dɛnkɛninya-koe rɔ, ado anu yisi ara tinya mɔni siyaman bolo.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.