Mari ko a ara ban a latɛgɛla ko fɔ ila bonna-mɔgɛ do wa tɔrɔyɛ lana i kuma. A ko fɔ a wa ila musinu bi i bolo ka anu di kei-gbɛrɛkɛ ma. Wo wa ma tumɛ min, i si a lɔn wo rɔ ko a ara min fɔ, tonyɛ le wo la. Kei wo si a sa ila musinu fɛ tele rɔ gbaga!
Iyipiti kɛnuna den-kei-sarɛ bɛɛ si faga. Sayɛ si a dabira ile mansɛla den-kei-sarɛ ma. Hali yɔɔn-musi kolon-tugulɛla den-kei-sarɛ si faga. Hali wola kolo-fan den fɔlɔtɛ bɛɛ si faga, a keimɛnu, kɔni.
Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.
“Wo si musinu mabira kɔnɔ kei-gbɛrɛkɛ donu si anu furu. Wo si bɔnnu sɔ kɔnɔ wo ti don anu kɔrɔ. Wo si wola ki-fannu ki kɔnɔ hali anu gbɔ kelan, wo ti ke a dɔnna.
