Yobu 30:21 - ALLALA KUMƐ

²¹ I ye n bira boloko-yogomɛ-kɛla. I ye buila n ma i sɛnbɛ bɛɛ la.

Yobu 30:21 ပူးပေါင်းရင်းမြစ်များ

Yobu 10:3

I wara ko-yogomɛ min ma n na, woletɔ i sewanɛ, nyɛ? Ile nyɛrɛ-nyɛrɛ ya nde min dan, nde ni gboya i ye tun, wa? I wara i kan-kɔ sɔ n na ka nyagalen karagbɛlɛnu na.

Yobu 13:24

Nfenna i wara i kan-kɔ sɔ n na ka n lɔn i yoge la?

Yobu 19:22

A sɔgɛ ye wo la, wo ni n bɛnsɛnkɔninya iko Alla ara n bɛnsɛnkɔninya nya min? Wo ara n tɔrɔ nya min kɛ la, wo ma a bɔ?

Yobu 23:6

A si sɔ n kan ma a sɛnbɛ-wɛ la, wa? A ti wo ma. N tenbi kumala, a si a wɔlɔ matɔlɔ n na.

Yobu 32:2

Kɔnɔ mɔgɛ do ye nyɔ nun min tɔgɛ Ɛlihu. A tole masɔnɛ anu na. A ma ke a yisi birala tun bawo a ye a yenna ko Yobu ye a nyɛrɛ latelenna ka a tɛgɛ sigi Alla ma. Rama bɔnsɔn-mɔgɛ do le Ɛlihu kɛ la. A benba tɔgɛ le Busi. A fa tɔgɛ le Barakɛli.

Yobu 6:9

Alako nun, i ya n wara-koe ka-a-la nun. I ni n nato dogbe!

Yaburi 89:13

I fanka kolo kati! Sɛnbɛ ye i kɔɛn rɔ dɔgɔma-ma-de!

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

1 Pita 5:6

Nba, wo ni wo famayigi Alla-sɛnbɛmɛ-kɔɛn kɔrɔ, woletɔ a si wo layɛlɛ a wati-latɛgɛnɛ rɔ.