Yobu 3:14 - ALLALA KUMƐ

¹⁴ Ni n fagara le nun, n si taran n fanbolo mansɛ anubɛ mɔgɔ-banu fɛ lakira minnu ya bon-hakikɛnu sɔ duninya rɔ nun. Ado nfan, anuna mansaya-bɔn wonu bara tenbi, bi ma!

Yobu 3:14 ပူးပေါင်းရင်းမြစ်များ

1 Mansɛnu 11:43

A fagara tumɛ min, anu ya a togon a fa Mansa Dawudala luyi ma. Ala den Rihobowami sigira a gbɛ rɔ.

1 Mansɛnu 2:10

Wo kɔma, Mansa Dawuda ya so-sɛgi-kɛ. Anu ya a togon a halala-luyi ma Yerusalɛm soe burɔ.

Yobu 12:17

A si kun-tiginuna hɛnkilimayɛ bi anu bolo. A si a ma, kiti-tɛgɛlɛnu ni to kun-takolonya-koenu nadanna.

Yobu 12:18

Alla si mansaya-durukinu bɔ mansɛnu kan na ka yɔɔnya-durukinu don anu kan na.

Yobu 15:28

Kɔnɔ tɔ-a-la, mɔgɔ-sufa wonu si sigi soe-tinyanɛnu denu tɔ. Ni bon-tigi min ya ala bɔn boloka ka a buri, ale karagbɛlɛ si a sigi bɔn wo la. So-sufa wonu bi tonbonyɛ le la.

Yobu 30:23

I wara saya gbɛrɛn n ma, mɔgɛ bɛɛ ta tinɛ, kɔni.

Yaburi 49:14

Anu bi fagala le iko sagɛ. Lakira si anu makandan. Lakira min fɛ-yan anu barɛ la, anu si tuli nyɔ rɔ tiriya! Kɔnɔ mɔgɔ-telennɛ minnu bi nala yarɔ, wonu si na fanka sɔrɔn anu kuma.

Yaburi 89:48

Mɔgɔ yon si to, a ma faga? Mɔgɛ si ke a nyɛrɛ lakananna kanbɛ ma kama?

Makawandili Kumɛnu 8:8

Ni mɔgɛ si ke tɔn sigila fɔnyɔ ma, nba mani, mɔgɛ si ke sayɛ masɛgila a nyɛrɛ la. Kɛlɛ do le wo la mɔgɔ ti ke a burila min kɔrɔ, ado wunduyogoya sa nyɔ min si mɔgɔ-kunyɛ bɔ sayɛ wo rɔ.

Aiseya 14:18

“Mansa doinu sa-bole rabɛnnɛ kaburu-hakikɛnu tɔ

Aiseya 22:16

“Ile miri ko nfen bi ile la mansɛ wara yan? Yon ya a fɔ i ye ko i ni i nyɛrɛ kanbɛ sin farɛ rɔ yan?

Aiseya 5:8

Gbalo ye wo ma bawo wo ye wola wɔli-kɛ-tinɛnu anubɛ wola bɔnnu makofula. A ti mɛ tun dugi ti taran mɔgɔ-gbɛrɛkɛ ye yan, fɔ wo kelen pe min bi tola nyamanɛ kɛ rɔ.

Aiseya 58:12

Wola soe minnu kasaranɛ kɛ la, a ko wola mɔgɛnu si wonu sɔ tun a kurɛ la. Wola soe minnu bara ma tonbɔn la nun, wo si wonu kurukɛ tun. Wo ye tarɛ labɛtɛrɛ min kɛla kɛ la, wo mankan wo si ta wuu! Bɛɛ si wo lɔn bon-nadannɛ anubɛ kila-ladannɛ la.

Isikiyɛli 26:20

N si Taya kɛnu layigi lakira ka anu kofu nyɔ-dugurɛn-kɔrɛnu ma. N si a ma, anu ni to dugu-kɔrɔ-soe wo rɔ tolon! Anubɛ furinu si to kirabɔla anu nyɔgɔn fɛ lakira nyɔ. Mɔgɔ-wo-mɔgɔ ti sigi Taya soe burɔ tun. Anu ti sɔ-tina fenfen sɔrɔn tun mɔgɔ-nimɛnu tɛma.