Yobu 29:13 - ALLALA KUMƐ

¹³ Hali sayɛ ara gbɛrɛn mɔgɛ minnu ma, wonu kɛnɛna n tantola. Kɛɛ-musinu bi n sigi sala ka a tɛgɛ nna wɔli-nyimɛla ko la.

Yobu 29:13 ပူးပေါင်းရင်းမြစ်များ

Yobu 22:9

I ya i ban kɛɛ-musinu dɛnbɛn-koe ma. Wo kɔma, i ya kelennɛnu kankan ka anu bira boloko-yogomɛ-kɛ.

Yaburi 67:4

Sibole bɛɛ ni nyagalen ka sewa-bɛtinu bɔ i ye bawo ile le si sibolenuna kiti tɛgɛ a kilɛ fɛ ka kila-latelennɛ yira anu na.

Hɛnkilimaya-Kumɛnu 11:26

Mɔgɛ min si dɔn-fan lamara, a ti a mayira fɔ a dɛ wa gbɛlɛya, mɔgɛnu si wo tigi danka. Kɔnɔ hinɛ ye mɔgɛ min tɔ, wo ti atɛ lamara fɔ ka a mayira kɔnkɔtoenu ma.

Aiseya 27:13

Wo tele-nyɛrɛ wa ke, buru-kan si bɔ min bi mɔgɛnu takelela ka bɔ Asiriya anubɛ Iyipiti nyamanɛnu tɔ, kɛlɛ tara minnu na, kɔni. Anu si na Mari bato Yerusalɛm soe burɔ ata kɔnkɔ-sɛnimɛ kuma.

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Tɔn-Fɔɛ-Fila-Nyɔgɛ 24:13

Wura-wo-wura, a si ala duruki wo lasɛgi a tigi ma, a ni to a donna a kan na. Sɔgɔma, a ni a don a ta-nyɔgɛ wo bolo. Wo ko-sunu si ma Mari anubɛ bolo-kolɔn wo diyana-koe la.

Tɔn-Fɔɛ-Fila-Nyɔgɛ 26:5

Wo kɔma, wo si a fɔ Mari ya la nyɔ ko, ‘Ma benba anubɛ ala denbayɛ bɔra Aram nyamanɛ rɔ ka to yilan-yilanna ha anu tara anu sigi Iyipiti nyamanɛ rɔ. Anu bi tala nyɔ tumɛ min, anu ma siya kɔnɔ wati-tenbinɛ, a bɔnsɔn ya fanka sɔrɔn ka siyaya.

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Ruti 2:20

Neyomi duwara Bowasi ye ko, “Alamɛ Marita duwɛ yigira Bowasi kuma. Ma ara a yen Mari ara ata lanyiri latɔnbagaya furi anubɛ kɛndɛwaganu ye nya min. Nba, min ya kɛ di i ma kɛ la, nna kei na-kelen-nyɔgɛ do le wo la min si ma dunɛ bi gbɛ!”