Yobu 28:28 - ALLALA KUMƐ

²⁸ Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yobu 28:28 ပူးပေါင်းရင်းမြစ်များ

1 Mansɛnu 18:3

Ale Mansa Ehabu ya Hɔbadaya kele min bi ala bolɔn kun na. (Hɔbadaya lara Mari la dɔgɔma-ma-de!

Yobu 1:1

Kei do ye nyɔ nun min tɔgɔ Yobu. A siginɛ Yusi nyamanɛ rɔ. Mɔgɔ-nyimɛ le ale la min bi Alla gbiliyala, ado a telennɛ a ye. A ye a mala a fɛrɛma bawo a ma di a ye a ni ko-yogo wo ko-yogo ma.

Yobu 28:12

Kɔnɔ mɔgɛ si hɛnkilimayɛ yen mintɔ? Mɔgɛ si ko-kɔrɔ-lɔn sɔrɔn mintɔ?

Yobu 28:20

Hɛnkilimayɛ sɔrɔn tinɛ ye mintɔ worɔ? Ma si ko-kɔrɔ-lɔn taran mintɔ?

Yobu 28:27

a nara to hɛnkilimayɛ lakɔrɔsila ka a mɔlɔn tɛgɛ. A ya a mɔlɔn lawanka.

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 34:14

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

Yaburi 94:10

Ale min bi sibole doinu tɔrɔla, a si to worɔ, a ma mala kun-tigi-karagbɛlɛnu tɔrɔ, wa? Ale min bi mɔgɛ bɛɛ karanna, hɛnkili sa ale bolo, nyɛ?

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 13:14

Hɛnkilimɛta karan mani de iko tenke-hakikɛ, ado karan wo si mɔgɛ dɛnbɛ ka a bɔ sayɛ da la.

Hɛnkilimaya-Kumɛnu 14:16

Hɛnkilimɛ si kilan Mari la, a ni a bole bɔ ko-yogomɛ rɔ. Kɔnɔ kun-takolɔn ti a miri ko-ladan tinɛ. A kunyɛ wa wuli koe min na, a ye wo le ladanna.

Hɛnkilimaya-Kumɛnu 16:17

Mɔgɔ-nyimɛ ye bilala kila-telennɛ min fɛ, wo kanɛ le ko-yogoma-kilɛ ma. Ni min ya a tagama-tinɛ yabɔ, wo si simayɛ sɔrɔn.

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

Hɛnkilimaya-Kumɛnu 3:7

I kana to i mirila ko i kelan le ya ko lɔn. Mari kelen peta kumɛ bira tun. I ni i ban ko-yogomɛ kɛla.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Hɛnkilimaya-Kumɛnu 9:10

Hɛnkilima-tigiyɛ dabira-fɔlɛ le ka kilan Mari la. Ni i ya ale Sɛnima-Tigi lɔn, i si ko nya-yen.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Tɔn-Fɔɛ-Fila-Nyɔgɛ 29:29

“Ko-dogonnɛ donu bi nyɔ mata Mari Alla ya min bira a nyɛrɛ ye gben! Kɔnɔ a ya ata tɔnnu denu yira mabɛ ma kegeyɛnu na ma si to minnu birala habadan!”

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

1 Pita 3:11

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.