Yobu 27:9 - ALLALA KUMƐ

⁹ Tɔrɔyɛ tenbi nala a ma, Alla ti a wɔlɔ matɔlɔ a di-kɛ-kan la worɔ.

Yobu 27:9 ပူးပေါင်းရင်းမြစ်များ

Yaburi 109:7

Alamɛ kiti gboyara a la. Alamɛ ala madiyalɛ ya a laban a bolo tɔn-tinyɛ ma.

Yaburi 18:41

Anu bi anu dɛnbɛnɛ nyinina kɔnɔ anu ma anu dɛnbɛna sɔrɔn. Hali anu ya ile Mari rakele, i ti i wɔlɔ matɔlɔ anu na.

Yaburi 18:42

N ya anu bunden iko fɔnyɔ ye tala gbangban min na. N ya anu tadon iko bore min bi kilɛ la.

Yaburi 66:18

Ni n ma nna ko-yogomɛnu nabɔ gbɛ rɔ n tigi ye nun, a ti a wɔlɔ matɔlɔ n na nun muk!

Hɛnkilimaya-Kumɛnu 1:27

Hali tɔrɔyɛ ya wo bi iko fɔn-belebele si min ma ka wo yigi tɛgɛ, n si wo mayɛlɛn. Hali wo ye dumɛ rɔ, n si wo mayɛlɛn.

Hɛnkilimaya-Kumɛnu 1:28

“Wo wa nde, hɛnkilimayɛ rakele wo tumɛ rɔ, n ti wo denkun. Hali wo ya n nyini furr, wo ti n yen

Hɛnkilimaya-Kumɛnu 28:9

Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.

Aiseya 1:15

Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Yɛrɛmaya 11:11

Mari ko a ti mɛ tun, a si kasarɛ lana wole, Yuda mɔgɛnu kuma, wo ti ke wo burila min kɔrɔ. A ko wo si to dila a dala wo dɛnbɛn-koe la kɔnɔ a ko a ti wo denkun.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Isikiyɛli 8:18

Anu si na nna yisi-bɔɛ dan-natɛgɛ lɔn. N ti kinikini anu ma. N ti anu to anu niyi la. Hali anu ya anu dɛ sa-a-rɔ n madiya-tinɛ, n ti anu denkun.”

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Maika 3:4

Kɔnɔ wo wati si na, wo si di Mari dala kɔnɔ a ti a wɔlɔ matɔlɔ wola madiyalɛnu na. A si a kolonkɛ dogon wo ma bawo wo ara ko-yogomɛnu dan-natenbi.

Sakaraya 7:13

A ko wo ma sɔn wo tole sigila ata kumɛnu kɔrɔ, woletɔ a ma a wɔlɔ matɔlɔ wola madiyali-kannu na.

Luka 13:25

Bon-tigi wa a lasɔ ka dɛ rasɔgɔ, wo sɔnɛ si to kɔma dɛ matugula ka a fɔ ko, ‘N fa, dɛ laka ma ye!’ Kɔnɔ a si wo yabi ko, ‘N ma wole lɔn. N ma wo bɔ tinɛ lɔn!’

Yɔni 9:31

Ma ya a lɔn ko Alla ti a wɔlɔ matɔlɔ hakɛ-tigi-kan la. Kɔnɔ a si a wɔlɔ matɔlɔ wo mɔgɛnu kan la minnu bi a gbiliyala ka a diyana-koenu kɛ.

Tɔn-Fɔɛ-Fila-Nyɔgɛ 1:45

Wole le sɛgira Kɛdɛsi soe burɔ ka di Mari dala biribiri, ko a ni wo dɛnbɛ kɔnɔ a ma a kolan le gbuyɛ sɔ wo la,

Yemesi 4:3

ado wo wa Alla tara, wo ti a sɔrɔn bawo wo sɔndɔmɛ lafinnɛ. Wo ye fan tarala wo nyɛrɛ diyana-koenu kɛ-koe le la dɔrɔn.