Yobu 27:16 - ALLALA KUMƐ

¹⁶ Tumado wodi-gbɛ-siyaman si taran karagbɛlɛnu bolo anu ti min dan lɔn. Fɛrɛya-bɔɛ minnu bi anu bolo, kurukurun ti wonu ban, tarali ti wonu ban.

Yobu 27:16 ပူးပေါင်းရင်းမြစ်များ

1 Mansɛnu 10:27

Mansa Silamɛnita wati rɔ, wodi-gbɛ rakanɛ Yerusalɛm soe burɔ iko kuru-kundi. Lɛbanan fɛran minnu dɛ gbɛlɛ, wonu bi nyɔ duk! Kurukurun ti a ban, tarali ti a ban. Anu siya iko kɔlɔma minnu bi anu halala-nyamanɛ rɔ.

Ɛsita 8:1

Wo tele nyɛrɛ rɔ, Mansa Sakasi ya Yahudiyanu yogo Heman bolo-fan mumɛ latenbi ala musi Ɛsita ma. Wo kɔma, Ɛsita ya a fɔ ala kei, Mansa Sakasi ye ko a kebila-nyɔgɛ le Mɔdekɛyai la. Wo wulɔn-tele ma, Mɔdekɛyai nara a nyɛrɛ dantɛgɛ mansɛ ma.

Yobu 15:29

A ti mɛ nɔnfulu-tigiyɛ rɔ. Fan minnu bi a bolo, wo do-wo-do ti mɛ. Hali mɔgɛ wo ninɛ si tunu yen!

Yobu 20:10

A ara fan min bi bolo-kolɔnnu bolo nun karagbɛlɛyɛ la, ala dannu si to yili wonu sarala.

Yobu 22:24

I ni ila sɛnɛ lakɛ a rɔ gbangban rɔ. I ni ila sɛnɛ-hakikɛ lafili tungban rɔ.

Yobu 27:15

Ni karagbɛlɛ wonuna den-toe minnu tora, kirayɛ si wonu natuntun kanbɛ rɔ. Hali anuna kɛɛ-musinu, wonu ti anu di.

Yobu 27:17

Kɔnɔ tɔ-a-la, mɔgɔ-nyimɛ donu si anuna fɛrɛya-bɔɛ wonu don anu ma. Ka tenbi wo la, mɔgɔ-telennɛ donu si anuna wodi-gbɛ wonu tala anu nyɔgɔn na.

Yobu 3:15

N si ma nun iko kun-tigi-tenbinɛ minnu kanbɛnu nafara sɛnɛ anubɛ wodi-gbɛ la nun.

Hɛnkilimaya-Kumɛnu 13:22

Mɔgɔ-nyimɛ mamanɛnu si do sɔrɔn a kɛɛ rɔ kɔnɔ hakɛ-tiginu bolo-fannu bi tola mɔgɔ-latelennɛ denu ye.

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Habakuku 2:6

Mɔgɔ-biranɛ wonu si anu biralɛ wonu mayɛlɛn. Anu si a fɔ ko, “Wo halala ma minnu na, wo si wonu bi kɔnɔ wo ye nala wota nondɔn sɔrɔnna le. Wo si wo fara mɔgɛnu bɔnɔna kɛwuyɛ la tumɛ nyamintan?”

Sɛfanaya 1:11

Minnu bi soe ya-layigi ma, anu si yilayɛ kɛ kan min, anu ni di anu sɛbɛ-kuna-wɛ la bawo yilanu si ban fagala.

Sakaraya 9:3

Taya soe minta tarɛ ara koloya ka a nyɛrɛ ragbɛlɛya gbon, anu bara sɛnɛ anubɛ wodi-gbɛ ladɛn boi ha a raboroko-barakanɛ iko gbangban.

Matiyu 6:19

“Wo kana wola nɔnfuli lamara wola bɔnnu na duninya kɛ rɔ, kɔrɔkɔrɔyɛ anubɛ kisinu si a tinya kan min. Kankannu fanan si ila bɔn keri ka a kankan.

Yemesi 5:2

Wola nɔnfulinu bara tuli ka ban feu! Kisinu bara wola kura-hakikɛnu dɔn sa!