Yobu 26:10 - ALLALA KUMƐ

¹⁰ Pinpi anubɛ waan ye bɛnna kɔgɔ-yi kuma kan min, a ya dan tɛgɛ anu tɛma nyɔ.

Yobu 26:10 ပူးပေါင်းရင်းမြစ်များ

Ko-Dabirɛnu 8:22

Fananta duninya ye nyɔ, samɛ si don, telemɛ si bɔ, kimɛ si na, wusi si na, wɔli-kɛ-tumɛ si ke, a tɛgɛ-tumɛ si ke, suyi si ke, bandɛ si ka.”

Yobu 26:11

Alla wa a kara tamaga, kɔnkɛ minnu manɛ sɛnbɛrɛn-kɔn la san-kole kɔrɔ, wonu si yɛrɛyɛrɛn.

Yobu 38:1

Kɛ bɛɛ tenbinɛ, Mari nyɛrɛ kumara Yobu ye fɔn-digidigi-wɛ rɔ.

Yobu 38:19

Ile ya a lɔn waan ye bɔla kan min? I si a lɔn fanan pinpi ye bɔla kan min?

Yobu 38:20

Anu bi marala kan min, i si ke nyɔ yirala n na? Waan anubɛ pinpi ye bɔla kan min, i si ke anu nasɛgila nyɔ rɔ, wa?

Yobu 38:24

Tele ye wulila kan min, i wara ke nyɔ nun? Fɔn-dagɛ siginɛ tele-bɔɛ wara la kan min, i wara ke nyɔ nun?

Yaburi 33:7

A ya kɔgɔ-yi ladɛn daga kelen tɔ. A ya kɔgɔ-yi-dumɛ balan iko mɔgɛ wa fui-fan kɛ bondɔn rɔ.

Hɛnkilimaya-Kumɛnu 8:27

Alla ye san-kole rafulenna kɔgɔ-yi kuma tumɛ min, n bi nyɔ nun.

Hɛnkilimaya-Kumɛnu 8:29

Alla ya kɔgɔ-yi-dan sa n yala le. Alla ya duninya kurukɛ n yala le.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.