Yobu 23:10 - ALLALA KUMƐ

¹⁰ Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yobu 23:10 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

2 Samuwɛli 22:22

N ya Marita tɔn bɛɛ bira, ado n ma n kan-kɔ sɔ nta Alla la.

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

Yobu 10:7

I ya a lɔn serr, ko fɛɛ-wo-fɛɛ sa n na. I ya a lɔn ko mɔgɔ-wo-mɔgɔ ti ke n bɔla ila sɛnbɛ kɔrɔ.

Yobu 23:7

Mɔgɔ-telennɛ le nde la. N si nta kumɛ rakaran a ye, a si a wɔlɔ matɔlɔ n na a kin na! A si nna kumɛ ban ka yoe di n ma.

Yobu 23:9

Ni n ya kantɔ-waralɛ mafɛlɛn, a si a dogon n kɔrɔ nyɔ. Ni n ya dugula-waralɛ bɛrɛn mafɛlɛn, n ti a yen hali!

Yobu 31:4

N ya ko-wo-ko ma, Alla ya wo lɔn. N tara kan-bo-kan, a kolan ye n gbere la.

Yobu 31:6

Alla wa n tasuma a kila-bɛrɛ fɛ, a si a lɔn n telennɛ nya min.

Yobu 33:9

i ko i yilikini ma, ado i ma ko-yogoma wo ko-yogoma ma. I ko fɛɛ sa i la, ado i ma hakɛ kɛ.

Yobu 6:29

Wo ara wotɛ latenbi. Wo kana n yiliki. N bi n yoe le tɔ.

Yobu 7:18

ka to ma wara-koe fɛsɛfɛsɛla sɔgɔma-wo-sɔgɔma? Nfenna i si to ma kɔrɔbɔla wati-kundu-ni wo wati-kundu-ni?

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 11:5

A ye mɔgɔ-nyimɛnu anubɛ karagbɛlɛnu fɛsɛfɛsɛla nya-kun-kelen. Wunduyogoyɛ di minnu ye, wonu fenfen ma di a ye.

Yaburi 17:3

Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Yaburi 66:10

E, Alla, iko wodi-gbɛ si sɛninya tɛ la nya min, i wara ma rafɛ wo nya na le.

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Yɛrɛmaya 12:3

Mari, ile ya n burɛ lɔn. Ile le ye n miriya lakɔrɔsila. I ni karagbɛlɛ kɛnu sagan dugi la iko saga-bosotɛ. Anu namara a dan na kan-natɛgɛ-telela ko la.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

1 Kɔrɛnti 3:15

Kɔnɔ ni minta wɔli-kɛ-gbɛ mintanta, wo tigi si bɔnɔ a rɔ worɔ. Ale nyɛrɛ si kisi kɔnɔ a si ma iko anu bara a labɔ tɛ rɔ le.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Hiburunu 11:17

Alla ya Iburayima kɔrɔbɔ tumɛ min, dɛnkɛninyɛ le fɛ, Iburayima ya ala dan Isiyaka ma sarakɛ la. Alla ya lanyiri kiri Iburayima ye kɔnɔ hali wo, a rabɛnnɛ hali ka ala dan ma sarakɛ la.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.