Yobu 22:9 - ALLALA KUMƐ

⁹ I ya i ban kɛɛ-musinu dɛnbɛn-koe ma. Wo kɔma, i ya kelennɛnu kankan ka anu bira boloko-yogomɛ-kɛ.

Yobu 22:9 ပူးပေါင်းရင်းမြစ်များ

Yobu 24:21

Mɔgɛnu bi nyinala a ko bawo a ya kɛɛ-musinu bira boloko-yogomɛ-kɛ. Hina ma taran a rɔ gbandɛnu bara la.

Yobu 24:3

Anu bi kelennɛnuna sofɛlɛnu bila anu bolo. Anu bi kɛɛ-musinuna sara-ninki bila anu bolo fɔrɔsɛ la ko fɔ anu ba ban anuna yili-kɔrɛ sarala.

Yobu 31:21

Ni n bara kelennɛ kensunya tele-kelen-bɛrɛni, hali n si min nɔ kiti rɔ,

Yobu 6:27

Wole si kelenni-kun-kundi dɛ fɔ le ka a mayira. Wo si wo diyana-mɔgɛ mayira alako wo ni tɔnɔ-belebele sɔrɔn wo rɔ.

Yaburi 10:15

Karagbɛlɛnuna sɛnbɛ-dɛ makeri ka anu tɔrɔ anuna ko-yogomɛla ko la alako anu kana na a ma tun.

Yaburi 37:17

bawo Mari si karagbɛlɛnu sɛnbɛ bi anu bolo ka mɔgɔ-telennɛnu nakanan.

Yaburi 94:6

Anu bi kɛɛ-musinu anubɛ kelennɛnu fagala. Anu bi ma warɛ-sundannu fagala.

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 10:2

Wo kɛ-nya le wo la alako bolo-kolɔnnu kana na yo sɔrɔn, ado wo ye kɛɛ-musinu anubɛ kelennɛnu kankanna wo nya na le.

Yɛrɛmaya 48:25

Mohabu sɛnbɛ ra si bunden iko kɔrɛ! A sɛnbɛ bɛɛ si na tinya. Ale Mari kan le kɛ la.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Isikiyɛli 30:22

Nba, nde, wo Tigi Mari ye min fɔla, wo le kɛ la ko Iyipiti mansɛ yoge le nde la. N si a bolo filɛ bɛɛ rakeri, a rakerini-kɔrɔ wo, a kɛndɛ wo. Ala faan si porokɔlɔ a bolo la ka bui.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 23:14

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye kɛɛ-musinu kensunyala ka anuna bɔnnu bi anu bolo, wo kɔma ka wo nyɛrɛ mayira wota madiyali-yannu fɛ! Wo le ya a to, wota tɔrɔyɛ si yogoya bɛɛtɛ ko!]

Tɔn-Fɔɛ-Fila-Nyɔgɛ 27:19

“ ‘Alamɛ Allata dankɛ taranta wo mɔgɛnu kuma minnu si mɔgɔ-tɔrɔnɛnuna saratiyi tinya anu bolo, a mara sundan na wo, a mara kelenni na wo, a mara kɛɛ-musu la wo.’ “Anu si a labira ko, ‘Amina.’