Yobu 22:3 - ALLALA KUMƐ

³ Ila ko-nyima-kɛ, wo fenfen si Alla Sɛnbɛ-Bɛɛ-Tigi munanfaga, wa? Ila telenbagayɛ fanan si ko-wo-ko ma a la?

Yobu 22:3 ပူးပေါင်းရင်းမြစ်များ

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yobu 21:15

Yon bi Alla Sɛnbɛ-Bɛɛ-Tigi kɛ la, ma ni min sako kɛ? Alla-madiya-koe si nfen nyinya ma ma?”

Yobu 22:4

Alla ti ile tɔrɔ bawo i ye ale gbiliyala. A ti i kiti wola ko la.

Yobu 34:9

Yobu ye a fɔla ko ka Alla sako kɛ, wo ti tɔnɛ di mɔgɔ-wo-mɔgɔ ma.

Yobu 35:7

Hali i mara telenbagɛ la, Alla si tɔnɔ-nyamintan sɔrɔn wo rɔ? Alla sa nyinina fenfen ma i bolo.

Yaburi 119:59

N bara n sɔnnu nakɔrɔsi n bi nya min. N ya a latɛgɛ n yisi rɔ ko, “Fɔ n ba ita labilalɛnu bira.”

Yaburi 39:1

N ya a fɔ ko, “N tenbi koe min mala, n ni a ma n fɛrɛma. N ti sɔn, n dɛ ni n bila hakɛ rɔ. Karagbɛlɛnu tenbi n dafɛ, n si n tade don!”

Hɛnkilimaya-Kumɛnu 11:1

Mari ko mɔgɛ min bi kensunyɛ kɛla fen-suman-fan la, wo ma di a ye. Kɔnɔ mɔgɛ min bi fan sumanna a kilɛ fɛ, Mari ko wo di a ye.

Hɛnkilimaya-Kumɛnu 11:20

Minnu miri bɛnnɛ ko-yogomɛ ma, wonu ma di Mari ye kɔnɔ mɔgɔ-telennɛnu di Mari ye.

Hɛnkilimaya-Kumɛnu 12:22

Foninya-fɔlɛ ma di Mari ye kɔnɔ mɔgɛ min si a darɔ-kan latɔnbagaya, wo le di Mari ye kosɛbɛ!

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Hɛnkilimaya-Kumɛnu 9:12

Ni min ya hɛnkilimayɛ sɔrɔn, wo ara tɔnɛ sɔrɔn. Kɔnɔ ni min ya a kan-kɔ sɔ a la, wo ara bɔnɔ.

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!