Yobu 22:27 - ALLALA KUMƐ

²⁷ I wa a madiya tumɛ min, a si a wɔlɔ matɔlɔ i la. I wara lanyiri minnu kiri wobɛ Alla tɛma, i si wonu natɔnbagaya.

Yobu 22:27 ပူးပေါင်းရင်းမြစ်များ

2 Mansɛnu 13:4

Wo kɔma, Mansa Yɛhowahasi ya a kan nabɔ Mari ma. Mari sɔnta ala kan-nabɔɛ ma bawo a ya Isirɛla mɔgɛnuna tɔrɔya-nya yen Siriya mansɛ bolo.

1 Ko-Kɔrɔta-Karan 4:10

Yebɛsi wo ya Isirɛlata Alla madiya, a ko, “E, Alla, ita duwɛ layigi n kuma ka do sa nta dugi kuma. To n fɛ ka n tanka ko-yogomɛ ma min si a ma, n ni dumɛ rayen.” A ya Alla matara fan minna ko ma, a ya wo nyinya a ye.

2 Ko-Kɔrɔta-Karan 33:13

Alla ya ala matarali-kan wo lamɔɛn. A ya a ma, a sɛgira a warɛ Yerusalɛm ka ma mansɛ la tun. Wo ya a yira Mansa Manasa la ko Mari le Alla la.

Yobu 11:13

Nba Yobu, ni i ya i nyɛrɛ latenbi Alla ma ka i bole rasagan Alla ye,

Yobu 27:10

Alako nun, anu ya Alla Sɛnbɛ-Bɛɛ-Tigita sewɛ sɔrɔn. Alako nun, anu ya Alla madiya.

Yobu 33:26

A wa madiyali kɛ, Alla si a yabi. A si Alla bato sewɛ rɔ. Koe bɛɛ si ta a kilɛ fɛ anubɛ Alla tɛma.

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Yobu 8:6

Ni ile latelennɛ le ka sɛninya, fɔ Alla wa i dɛnbɛ serr! A si duwa i ye ka i wara-koe lata yarɔ iko a ye nya min fɔlɔ nun.

Yaburi 116:1

Mari keninɛ n bolo bawo a ye a wɔlɔ matɔlɔla nta madiyali-kan la.

Yaburi 116:14

N bara Mari yili-madiya fan minna ko la, n si n kan wo latɔnbagaya a ye mɔgɛ bɛɛ yala.

Yaburi 56:12

E, Alla, n bara lanyiri kiri i ye min di-koe rɔ i ma, fɔ n ba wo di i ma gbɛ! N si baraka-bira-kɔ-fannu di i ma

Yaburi 61:5

E, Alla, i wara nna lanyiri-kiri-kannu namɔɛn. A bɛnta, i gbiliyalɛnu ni min sɔrɔn, i wara sɔn ka to wo dila nde ma.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Makawandili Kumɛnu 5:4

Ni mɔgɔ banta Alla yili-madiyala ko-wo-ko rɔ, a bɛnta, a ni wo latɔnbagaya tiriya! Alla ti sewa kun-takolon sufa wonu na. I kuman-kan latɔnbagaya.

Aiseya 58:9

Ni wo ya Mari rakele wo wati rɔ, a si wo denkun. Ni wo dira ale Mari dala, a si a fɔ ko, “N bi yan.” Wo ni wo fara dunɛ sala wo ta-nyɔgɛnu kuma. Wo ni wo fara mɔgɔ-rafɔɛ anubɛ mɔgɔ-rakaran la.

Yɛrɛmaya 29:12

A ko wo si a tɔgɔ ratɛgɛ wo tumɛ. Wo si na a wara ka a madiya, ado a ko a si a wɔlɔ matɔlɔ wo la.

Yona 2:9

Kɔnɔ nde si tantoli-bɛti bɔ ile ye. N si sarakɛ bɔ ile ye. N si nna lanyiri latɔnbagaya i ye. Ile Mari kelen pe le si ke mɔgɔ kisila.

Tɔn-Fɔɛ-Fila-Nyɔgɛ 23:21

“Ni mɔgɛ ya a dakan don Mari ye, a kana a kun kimaya dakan wo kanbali-koe rɔ. Ni mɔgɛ ya dakan kiri kɔnɔ a ma a kanbali, Mari si a bira wo yili la. Wo si ma hakɛ la a bolo.