Yobu 22:23 - ALLALA KUMƐ

²³ Nba, kaka gbɛ, i ni i sɛgi Alla Sɛnbɛ-Bɛɛ-Tigi ma famayigi rɔ. I ye ko-yogomɛ min kun na nun, i ni tɔn sigi wo la ila bɔn la.

Yobu 22:23 ပူးပေါင်းရင်းမြစ်များ

2 Ko-Kɔrɔta-Karan 33:13

Alla ya ala matarali-kan wo lamɔɛn. A ya a ma, a sɛgira a warɛ Yerusalɛm ka ma mansɛ la tun. Wo ya a yira Mansa Manasa la ko Mari le Alla la.

Yobu 12:14

Alla ara ban min nawuyala, mɔgɔ-wo-mɔgɔ ti ke wo lasɔla tun. Alla wa mɔgɛ min nadon yele la, mɔgɔ-wo-mɔgɔ ti ke wo kunkala.

Yobu 18:15

Anu si munku-gbɛ nyɛnsɛn ala fani-bɔnla foolɛ rɔ alako ala kirayɛ ra kana nyɛnsɛn. A ara bɔn min to, nyɔ wa diya min ye, wo si ta sigi nyɔ.

Yaburi 130:4

Kɔnɔ i ye ma makotola alako ma kawanɛ ni to i ma.

Aiseya 19:22

Mari si Iyipiti kɛnu tɔrɔ. Wo kɔma, a ni anu dandan. Anu si anu kɔ-sɛgi a ma, wo kɔma, Mari si a wɔlɔ matɔlɔ anu na ka anu dandan.

Aiseya 31:6

Mari ya a fɔ n ye ko wole Isirɛla mɔgɛnu bara hakɛ kɛ a la ka anu kan-kɔ sɔ a la. Kɔnɔ a ko wo ni sɛgi a ma kaka.

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Hoseya 6:1

Mɔgɛnu bi anu da le fɔla ko, “Ma sɛgi wona Mari ma. Mari le wara ma tanban, ale le ye ma dandanna tun. Ale le ya tɛlɛ sigi ma ma, ale le ye mala tɛlɛnu makirila.

Sakaraya 1:3

Kɔnɔ kaka, a ye a fɔla ko wo ni sɛgi ale Mari ma. A ko ale bɛrɛn si a ya-lamunun wo la.

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Kɔlɔsi 2:7

Wo ni wo suli layigi ale rɔ pon, iko kɔlɔma ye suli layigila dugi la nya min! Wo si a ma, wo si sɛnbɛ sɔrɔn ale rɔ. Wo sɛnbɛ ni don wola dɛnkɛninyɛ rɔ iko wo karanta nya min. Ka a tɛgɛ a ara min ma wo ye, wo ni to baraka birala a ye dɛɛ!

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Yude 1:20

Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.