Yobu 22:21 - ALLALA KUMƐ

²¹ Nba, Yobu, kaka gbɛ, i ni kɛlɛ-nyɔgɔnyɛ ban wobɛ Alla tɛma. Ni i ya wo ma, a si duwa i ye worɔ.

Yobu 22:21 ပူးပေါင်းရင်းမြစ်များ

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yaburi 34:10

Hali yarɛnu ta si faga kɔnkɛ bolo. Kɔnɔ minnu bi Marita tɔnnu birala, fenfen ti dasa wonu ma.

Aiseya 27:5

Ni a sɔgɛ ye ala mɔgɛnu yogenu na, a ni minnu kumafunfan, a ko anu ni yisi-kimɛ sa a rɔ. Anu ni na anu tɛmɛ rabɛn.

Matiyu 5:25

“Ni i bilara mɔgɛ do la, yanni a ni ta i lakiti, i ni a madiya. Ni i ma wo ma, a si ta i la ka i don kiti-tɛgɛlɛnu bolo. Wonu si i don i maralɛnu bolo. Wonu fanan si i sa yele la.

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

2 Kɔrɛnti 5:20

Nba, male mara Kirasitita kilayɛnu na alako ma ni ata kumɛ fɔ mɔgɛnu ye. Alla nyɛrɛ ye ma sɔla ka ma ata kuma-lakelɛ la min kɛ, ma ye wo madiyala Kirasitila ko la ko wo ni sɔn ko wo ti to mani Alla yogenu na fɔ ka wo ma a diyana-mɔgɛnu na!

Filipai 4:7

Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.