Yobu 22:19 - ALLALA KUMƐ

¹⁹ Karagbɛlɛnu tenbi tɔrɔla, mɔgɔ-nyimɛnu si sewa. Ka tenbi wo la, fɛɛ sa mɔgɛ minnu na, wonu si yɛlɛn

Yobu 22:19 ပူးပေါင်းရင်းမြစ်များ

Yobu 17:8

Tɛrɛna-koe le nta tɔrɔyɛ kɛ la telenbagɛnu yala. Hakɛ sa minnu ma, wonu denu bi Alla-lɔnbɛlɛnu kan ma.

Yobu 9:23

Nde lanɛ a la ko fɛɛ sa mɔgɛ min na, wo wa saya sɔrɔn yona, fɔ Alla wa a mayɛlɛn.

Yaburi 107:42

Mɔgɔ-telennɛnu ba wo rayen, anu si sewa kɔnɔ karagbɛlɛnu dɛ si balan gben!

Yaburi 48:11

Alamɛ Yerusalɛm kɛnu sewara. Alamɛ Yuda nyamanita-mɔgɛnu nyagalenta bawo ile si kiti tɛgɛ telenbagayɛ la.

Yaburi 52:6

Ni mɔgɔ-telennɛ ya wo rayen, anu si kilan. Anu si ile mayɛlɛn ka a fɔ ko,

Yaburi 58:10

Hakɛ-tiginu ba anuta tɔrɔyɛ sɔrɔn, telenbagɛnu si sewa. Anu kiannu ma si ku karagbɛlɛ wonu yele la.

Yaburi 64:10

Telenbagɛ bɛɛ si sewa ka a tɛgɛ Mari ara min kɛ. Anu si Mari ma anu dogon tinɛ la. Mɔgɔ-nyimɛ bɛɛ si a tanto.

Yaburi 97:8

Yerusalɛm kɛnu bara sewa, ado Yuda nyamanita-mɔgɛnu bara nyagalen ka a tɛgɛ Mari ara anu yogenuna kiti fɔ nya min.

Hɛnkilimaya-Kumɛnu 11:10

Ni mɔgɔ-telennɛ fɛ-koe ye tala yarɔ soe burɔ, so-burɔ-mɔgɛ bɛɛ si sewa. Kɔnɔ ni mɔgɔ-yoge fagara soe burɔ, mɔgɛnu si sewa ka tolɔn kɛ a rɔ.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!