Yobu 21:6 - ALLALA KUMƐ

⁶ Koe minnu bara kɛ nde la, n tenbi n mirila wonu ma tumɛ min, n si yɛrɛyɛrɛn kilan bolo.

Yobu 21:6 ပူးပေါင်းရင်းမြစ်များ

Yobu 9:28

nna tɔrɔyɛ si sɛgi n ma tun ka n yakɔrɔ-mamɔ. N bara a lɔn serr, ko Alla le wara n yiliki.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 55:5

Kilan ara a ma, n bi yɛrɛyɛrɛnna. N mankulan ara bɔ n ma.

Yaburi 77:3

N ba n miri Alla ma, fɔ di-kɛ-sumɛ si sigi n ma. N ba n miri a ma wɛ kɛ, fɔ n si ma kɔrɔn!

Yaburi 88:15

Kebi n dennɛ, nde ma fenfen lɔn tɔrɔyɛ kɔma, ado n bi lakira bonda-dɛ le la tolon! Nna tɔrɔyɛ ara n tabɔ.

Isikiyɛli 7:18

Anu si kasa-kurɛnu don anu kan na yakɔrɔ-mamɔɛ bolo. Anu si yɛrɛyɛrɛn kilan bolo ka anu kunyɛnu gbana miliyɛ bolo.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.