Yobu 21:18 - ALLALA KUMƐ

¹⁸ Mɔgɔ ti Alla yen anu fɛla iko bin-gbalɛ ni wo ma, iko fɔnyɔ ye tala gbangban min na.

Yobu 21:18 ပူးပေါင်းရင်းမြစ်များ

Yobu 13:25

A sɔgɛ ye i la ko i ni n takilan, ba? Yanba-kun-gbalɛ le nde la dɔrɔn! I ye bin-gbalɛ le dɔrɔn kɛlɛ-koe rɔ.

Yobu 22:16

Yanni anuta wati ni ke, wo ya a taran, Alla ara yi latugu anu kun na ka anu firan dugi kɛ kuma yi wo la.

Yobu 27:21

Tele-bɔ-fɔnyɔ si anu bara-koe firan anu sigi-soe rɔ.

Yaburi 1:4

Kɔnɔ karagbɛlɛnu mani ma iko mɔgɛ kɛ. Wonu mani de iko fɔnyɔ si ta fen-gbalɛ min na.

Yaburi 35:5

Mari, ita melika tenbi n yogenu gbenna, alamɛ anu mara iko bin-gbalɛ, fɔnyɔ ye tala min na pon!

Yaburi 83:13

E, Alla, anu tanyɛnsɛn iko dugu-gbangban. Anu ni ma iko fɔnyɔ ye tala bin-gbalɛ min na.

Yaburi 83:14

Iko fira-mintan-tɛ si firɛ bunden nya min kɔnkɛnu ma,

Bɔ-Koe-Iyipiti 15:7

Minnu wulita ila mɔgɛnu kan ma, i wara wonu nabui ka anu dɛ ragborokan ita sɛnbɛ-makawanɛ la. I ya ila diminyɛ lana anu kuma ka anu mintan iko bin-gbalɛ.

Hɛnkilimaya-Kumɛnu 10:25

Gbɛlɛyɛ si ta karagbɛlɛnu na iko fɔnyɔ si ta fen-gbalɛnu na nya min kɔnɔ mɔgɔ-latelenni-banbannɛ si to iko fara-kole.

Aiseya 17:13

Hali sibolenu bi tugula a rɔ Isirɛla kan ma wo nya, Alla wa anu makuma, anu si sɛgi anu kɔma iko fɔnyɔ wa gbangban kɔ, ni wo ma, iko tɔnkɔlɔn wa bin-gbalɛ fɔrɔn.

Aiseya 29:5

Sibolo-gbɛrɛ minnu bi nala ile Yerusalɛm kɛlɛla, wonu si fɛ iko fɔnyɔ wa ta gbangban la. Anuna kɛlɛ-den-makilannɛnu, fɔnyɔ si ta wonu na iko bin-gbalɛ. Wo dama si ma tiriya!

Aiseya 40:24

Mansɛ wonu mani de iko ki-fan min bɔ-san anu suli labɔla. Mari wa fɔn-fɛlɛfɛlɛnɛ lana, anu si gbala iko bin-gbalɛ. Fɔnyɔ wo ni ta anu na pon!

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Yɛrɛmaya 13:24

Mari ko a si wole, Yerusalɛm kɛnu tanyɛnsɛn iko fɔnyɔ ye tala fɔrɔn min na.

Hoseya 13:3

Ka a tɛgɛ wo ma, anu si tunu yen, iko duri. Anu si ma iko fɔrɔn, fɔnyɔ ye tala min na. Anu mani de iko ta-sisi min bi bɔla nyandan-bɔn kuma.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Habakuku 3:6

Ile Alla wa dan kan min, dugu si yɛrɛyɛrɛn nyɔ rɔ. Hali i wa i kolan tɔnkɔn sɔ minnu na, wonu kun ma si kɔ. Kɔnkɛ minnu bara mɛ, wonu si tii nya-kun-kelen ka ma lɛɛ la. Hali i wara i tontɛ sɔ kɔnkɛ minnu kuma nun, wonu fanan si tii mɛmɛ!

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

1 Kɔrɛnti 3:12

Do si sɛnɛ bi, ni wo ma, wodi-gbɛ, ni wo ma, kuru-da-gbɛlɛ ka a sɔ bon-kurukɛnɛ wo kuma. Kɔnɔ donu si kɔlɔma bi, ni wo ma, kalɛ, ni wo ma, binyɛ.