Yobu 20:19 - ALLALA KUMƐ

¹⁹ bawo a ya wo bɔ bolo-kolɔnnu bolo ka anu mayɛlɛnnɛ to. A ya bɔnnu bi mɔgɛnu bolo a ma minnu sɔ.

Yobu 20:19 ပူးပေါင်းရင်းမြစ်များ

1 Mansɛnu 21:19

I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

Yobu 18:15

Anu si munku-gbɛ nyɛnsɛn ala fani-bɔnla foolɛ rɔ alako ala kirayɛ ra kana nyɛnsɛn. A ara bɔn min to, nyɔ wa diya min ye, wo si ta sigi nyɔ.

Yobu 22:6

Ila yili ye i na-kelen-nyɔgɛ la min kɛ, i wara ala kurɛ bɔ a ma ka a gbu-makolonya.

Yobu 35:9

Mɔgɛnu ba tɔrɔyɛ sɔrɔn, anu si to gbɛngbɛrɛnna. Anu si di mɔgɔ-gbɛrɛnu dala alako wonu ni anu nakisi fankalamɛnu ma.

Yaburi 10:18

Mɔgɔ-tɔrɔnɛ anubɛ kelennɛnu tenbi dila, i si anu di-kɛ-kan lamɔɛn, ado i si sɔ anu fɛ woletɔ hadama-dan ti a ma, mɔgɛnu ni kilan tun.

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 12:6

Yigi si taran de mɔgɛnu bolo Marita yili-madiyɛla ko la. Lanyiri wonu yili masɔni de iko wodi-gbɛ min na ara lee sɛninya tinɛ iko wɔrɔnfila.

Hɛnkilimaya-Kumɛnu 14:31

Min bi balanna bolo-kolɔnla bolo-fan ma, wo tigi ara bila Alla la kɔnɔ min bi a kɛ-nya-nyimɛ yirala bolo-kolɔn la, wo mani de iko a ye Alla le gbiliya tinɛ.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Nimisa Koe 3:34

Yelela-mɔgɛnu bira-boloko-yogomɛ ma di n Tigi Mari ye.

Isikiyɛli 22:29

Anuna fen-tiginu bi mɔgɔ-bolo-labirɛ anubɛ kankanyɛ le kun na. Anu bi bolo-kolɔnnu bira boloko-yogomɛ-kɛla. Anu bi sundannu kensunyala.

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Emɔsi 5:12

Mari ko a ya a lɔn wola hakɛnu yogo nya min. Wo ara ko-yogomɛ minnu nyɔgɔn ma, a ya wo bɛɛsi lɔn. Mɔgɔ-nyimɛ minnu bi wo tɛma, wo ye wonu bɛnsɛnkɔninyala ka anu tɔrɔ. Wo ye dogonta-fan birala mɔgɛnu bolo. Wo ye a mala, bolo-kolɔnnu ti yo sɔrɔn hali tonyɛ ye anu bolo.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Maika 2:9

Wo ye bɔnnu bila kɛɛ-musinu bolo kensunteyɛ la. A bɛnta, wonuna dannu ni minnu sɔrɔn Mari bolo, wo ara wonu bɔ kelennɛ wonu bolo wola kensunteyɛ la feu!

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!