Yobu 19:7 - ALLALA KUMƐ

⁷ Hali n ya a fɔ ko mɔgɛnu bara ko-yogomɛ ma n na, mɔgɔ ti a tole masɔ n na. Hali n ba keleli-kɛ dɛnbɛnɛla ko la, n ti yo sɔrɔn.

Yobu 19:7 ပူးပေါင်းရင်းမြစ်များ

Yobu 10:3

I wara ko-yogomɛ min ma n na, woletɔ i sewanɛ, nyɛ? Ile nyɛrɛ-nyɛrɛ ya nde min dan, nde ni gboya i ye tun, wa? I wara i kan-kɔ sɔ n na ka nyagalen karagbɛlɛnu na.

Yobu 16:21

Alamɛ mɔgɔ do ni Alla madiya n ye iko mɔgɛ si madiyali kɛ a diyana-mɔgɛ ye nya min.

Yobu 21:27

Kɔnɔ n ya a lɔn miriya-yoge min bi wo la nde kan ma. Wo ye nala n tɔrɔ-kan le ma.

Yobu 30:20

E, Alla, n bi i kelela kɔnɔ i sa a labirala. N ba i madiya, i ti i wɔlɔ matɔlɔ n na.

Yobu 30:24

Mɔgɛ min bara ban kasarala, nfenna i ye wulila wo kan ma? N ti ko-wo-ko nɔ fɔ i ni kinikini n ma.

Yobu 30:28

Wati-wo-wati, n yakɔrɛ sanɛ le a rɔ. N bi n sɔla nyama tɛma ka madiyali kɛ n dɛnbɛn-koe la.

Yobu 34:5

Ale Yobu ya a fɔ ka a gbɛ feu, a ko fɛɛ sa ale la. Ale le ya a fɔ fanan ko Alla sa ko-telenni kɛla a ye.

Yobu 40:8

I ye a fɔla ko nna koenu ma telen, wa? A sɔgɛ ye i la, ile ni yo sɔrɔn nde ma?

Yobu 9:24

Alla ya duninya dantɛgɛ karagbɛlɛnu ma. A ya a ma, kiti-tɛgɛlɛ bɛɛ fiyonyara tɛrr! Wo rɔ, ni Alla ma wo ma, yon ya wo ma nun worɔ?

Yobu 9:32

Ni Alla mara hadama-dan le la nun, nde ya a lɔn n bi a yabila nya min. Ma si ta kiti-tɛgɛlɛnu bara nun ka kiti fɔ ma tɛma.

Yaburi 22:2

Nta Alla, n bi i rakelela tele rɔ kɔnɔ i ti a labira. N bi i rakelela suyi rɔ fanan kɔnɔ do ti bɔ nta tɔrɔyɛ la.

Yaburi 22:3

Kɔnɔ hali wo, ile le mansa-sɛnimɛ la Isirɛla kun na. A bɛnta ile le ni tanto.

Yɛrɛmaya 20:8

N tenbi kumala mɔgɛnu ye fɔ n ba n kan mayɛlɛ. N bi karagbɛlɛyɛ anubɛ kasarɛ le dɔrɔn wara-koe fɔla. N bi ile Marita sarakanɛ le dɔrɔn nakɛla mɔgɛnu ma, ado wo le ye a mala, mɔgɛnu bi n mamɔɛnna wati bɛɛ.

Nimisa Koe 3:8

N ba Alla rakele n dɛnbɛn-koe la, a ti a wɔlɔ matɔlɔ n na.