Yobu 19:27 - ALLALA KUMƐ

²⁷ N si Alla yen n ya-bɛrɛbɛrɛ kɛ la, ado n ba a yen, n si a lɔn de ko n diyana-mɔgɛ le. N sogesoge si to a yen-koe rɔ.

Yobu 19:27 ပူးပေါင်းရင်းမြစ်များ

Yobu 33:26

A wa madiyali kɛ, Alla si a yabi. A si Alla bato sewɛ rɔ. Koe bɛɛ si ta a kilɛ fɛ anubɛ Alla tɛma.

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 119:81

Mari, n tafaganɛ ye i makɔnɔna n nakanan-koe rɔ kɔnɔ hali wo, n lara ita kumɛ la.

Yaburi 17:15

Kɔnɔ sɔn sa n na min kɛ, fɔ n ba i yen. N ba n yɛ laka, i yen-koe si a diya don n tɔ.

Yaburi 73:26

Hali n miriya anubɛ n fɛrɛ ra ye tola fagala n ma kɔnɔ ile Alla si to sɛnbɛ dila n ma. N sa nyinina fenfen ma ile Alla kɔma habadan!

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Aiseya 33:17

Wo si mansɛ yen gbiliya-wɛ rɔ tun. Ala nyamanɛ kolo dɔgɔma-ma-de!

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!