Yobu 19:21 - ALLALA KUMƐ

²¹ N diyana-mɔgɛ, a bɛnta, wo ni kinikini n ma. Alla kɔɛn ara n gbesi dugi la.

Yobu 19:21 ပူးပေါင်းရင်းမြစ်များ

Yobu 1:11

Kɔnɔ nde lanɛ a la, fan min bɛɛsi ye a bolo wo la, ni i ya wonu bi, ale Yobu si i lafɛya i nyɛrɛ yala serr!”

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yobu 2:5

kɔnɔ ni i ya dumɛ sigi a fɛrɛ ma, a si i lafɛya i nyɛrɛ yala!”

Yobu 4:5

Kɔnɔ kaka, tɔrɔyɛ ara na ile kuma, yaga, ile ti ke i munna wo kɔrɔ.

Yobu 6:14

Hali ni a mara, n ma kilan Alla Sɛnbɛ-Bɛɛ-Tigi la tun, n bi nyinina n diyana-mɔgɔ-bɛrɛbɛrɛnu ma nna tɔrɔya sufa kɛ rɔ.

Yobu 6:4

Alla Sɛnbɛ-Bɛɛ-Tigi ara n bon kalabɛnnu na, ado kalabɛn wonu marɛ ara n bira. Alla ara ko-gbɛlɛmɛnu nana n kan ma ha n kun ma ara kɔ.

Yaburi 38:2

I wara n madumɛ ila kalabɛnnu na nun. I kɔɛn ara n gbesi dugi la.

Nimisa Koe 3:3

Telen-gbɛn, a ya n matɔntɔn. A ma kinikini n ma.

Kɛwɔlɛnu 13:11

Nba, Mari kɔɛn si kɛ i ma kaka! I si fiyonya. A si mɛ doni, i ti fenfen yen.” Tiriyante wo rɔ, Ɛlimasi yɛ lapinpira. A ya a bole mɛmɛ ka mɔgɛ do nyini alako wo ni a bole bira.

Romu 12:15

Sewa wonu fɛ minnu bi sewala. Di wonu fɛ minnu bi dila.

1 Kɔrɛnti 12:26

Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.

Hiburunu 13:3

Wo ni wo hɛnkili to yelela-mɔgɛnu ko iko wo ye anu fɛ yele le la. Wo ni wo hɛnkili to mɔgɔ-tɔrɔnɛnu ko. A ni ma iko wole fanan tɔrɔnɛ anu fɛ le.

Ruti 1:13

ha anu si koloya? Nna dannu, ko-bɛnnɛ ma wo la. Wo ya a lɔn ko wo ti ke kɛ mala. Mari ara a kan-kɔ sɔ n na. N kinikininɛ wole ma bawo nna tɔrɔyɛ ara sigi wole fanan ma.”