Yobu 19:14 - ALLALA KUMƐ

¹⁴ N na-kelen-nyɔgɛnu bara anu masɛgi n na. N kenintenu bara nyina n ko salon!

Yobu 19:14 ပူးပေါင်းရင်းမြစ်များ

Ko-Dabirɛnu 40:23

Hali wo, mansɛla baan-bɔlɛ wo nyinara Yusufu ko. A ma a hɛnkili lamiri a ma.

2 Samuwɛli 16:23

Ahitafɛli ya Abasalɔm makawandi ko-wo-ko la, a si wo bira iko Alla nyɛrɛta kumɛ. Mansa Dawuda anubɛ Abasalɔm mɔgɔ filɛ bɛɛ lara le ala makawandili-kumɛ la nun.

Yobu 19:15

N duruta mɔgɛ minnu yiyala nun, wonu ma anu miri n ma tun. Hali nna wɔli-kɛ-musinu, wonu bi n bira boloko-yogomɛ-kɛla iko mɔgɔ-gbɛrɛ.

Yobu 19:19

N diyana-mɔgɔ-bɛrɛbɛrɛnu bara anu dɛ bogoya n ma. Hali minnu di n ye kosɛbɛ, wonu bara anu kan-kɔ sɔ n na.

Yobu 42:11

Yobu tirisan-musu wo, a na-kelen-nyɔgɔ wo, wonubɛ a diyana-mɔgɛnu nara a kɔndɔn tinɛ. Anu ya fen-dɔn-kɛ ala bɔn la. Anu ya a wui bɔ ka a tɛgɛ tɔrɔyɛ wo ma Mari ya min sigi a ma. Wo kɔma, wonu kelen-kelennamɛ-bɛɛ ya sɛnɛ anubɛ wodi-gbɛ-dɛɛn-kɔlɔnɛ di a ma.

Yaburi 31:12

Mɔgɛ bɛɛ ara nyina n ko. A mani de iko n bara faga le. N mani de iko mɔgɛnu bi bɔnku-daga-gbɛnkian min nakɛla a rɔ.

Yaburi 38:11

N diyana-mɔgɔ-bɛrɛnu anubɛ n sigi-nyɔgɛnu sa anu gbɛrɛnna n ma ka a tɛgɛ nna tɛlɛnuna ko ma. Hali n na-kelen-nyɔgɔ-bɛrɛnu, anu sa anu gbɛrɛnna n ma.

Hɛnkilimaya-Kumɛnu 18:24

Hali mɔgɛ diyana-mɔgɛ si siyaya duk kɔnɔ mɔgɔ kelen de ye nyɔ anubɛ min si diya ka tenbi a na-kelen-nyɔgɛ la.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Nimisa Koe 1:2

A ye kila dila min kɛ kudu, woletɔ a ya-denkɛ rakimanɛ a ya-yi bolo. Mɔgɔ-den-kelen sa tun ala kemini-kɔrɛnu tɔ minnu si a madiya alako a ni a rade. A diyana-mɔgɛnu bara anu kan-kɔ sɔ a la ka ma a yoge la.

Matiyu 10:21

“Mɔgɛnu si anu na-kelen-nyɔgɛnu kunyɛ madon anu yogenu bolo alako anu ni anu faga. Fanu si wo nyɔgɔn ma anuna dannu na. Dannu si wuli anu sɔrɔnnɛnu kan ma hali ka anu nadon sayɛ rɔ.

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’