Yobu 18:16 - ALLALA KUMƐ

¹⁶ A si ma iko kɔlɔma min suli ye gbalala. A bolon-mɛsɛnu ma ye fɔsɔla.

Yobu 18:16 ပူးပေါင်းရင်းမြစ်များ

Yobu 15:30

A ti ke a putukulula sayɛ bolo. A si ma iko tɛ wa kɔlɔma lamintan. Alla si karagbɛlɛ wo fɛ iko fɔnyɔ ye tala kɔlɔma-fere min na.

Yobu 15:32

Mɔgɛ wo si faga, ala tumɛ ma ke. Mɔgɛ wo fuyan-fuyan si to iko kɔlɔma-matiibɛlɛ.

Yobu 29:19

N mani de iko kɔlɔma min suli ti foo yi la. Kunbi siginɛ kɔlɔma wo yanba-kunyɛ la tuma-wo-tuma.

Yobu 8:17

A si a sulinu mini kurinu ma ka nɔrɔn dandan ma.

Aiseya 14:20

Anu ma i togon iko mansɛ doinu bara togon nya min bawo i ya ila nyamanɛ kasara ka ila nyamanita-mɔgɛnu faga. I sɔn ye ila denbayɛ bɛɛsi bolo ma. Wo fenfen ti to a niyi la.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Hoseya 9:16

Wole Isirɛla mani de iko kɔlɔma min suli ma yigi-wɛ kɛ, wo wa gbala, ado a ti gbɔ. Wole fanan ti gbɔ ka den-wo-den sɔrɔn. Hali a taranta, wonu ni dan sɔrɔn, n si wo diyana-dan wonu kan keri paun!”

Emɔsi 2:9

“Mari ko hali wo, wo ni la a la ko ale le nara wo la ka bɔ Iyipiti nyamanɛ rɔ. San bi-nani, a sɔnɛ wo yarɔ wulɛ rɔ. Wo ni wo miri wo yogenu ma, Amoranu, kɔni. Anu yan, anu kolo, anu tagbɛlɛ kɔnɔ Mari ya anu halaki wolela ko la. A ya anuta nyamanɛ di wo ma ka a ma wo halalɛ la.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.