Yobu 17:9 - ALLALA KUMƐ

⁹ Telenbagɛ ti ata telenbagayɛ to. Fɛɛ sa mɔgɛ min na, wonuta si to gbɛlɛyala.

Yobu 17:9 ပူးပေါင်းရင်းမြစ်များ

Ko-Dabirɛnu 20:5

Ala kei le ma a fɔ n ye nun ko a tirisan-musi le, ado musi kɛ fanan ko a tirisan-kei le? N ya musi kɛ bi nun kɔnɔ n ma a lɔn ko n bara ko-yogoma ma.”

2 Samuwɛli 3:1

Kɔnɔ hali wo, kɛlɛ-nyɔgɔnyɛ tora Mansa Sɔlita fɛ-biralɛnu anubɛ Dawudala keminɛnu tɛma wati-yan kɔrɔ. Dawudala sɛnbɛ ma tora kofula kɔnɔ Sɔlita sɛnbɛ ma tora yigila.

Yobu 22:30

Ni fɛɛ sa mɔgɛ min na, a si wo lakisi katarala min bi ko-latelennɛ kɛla.

Yobu 27:5

N ti a fɔ ko wo ara tonyɛ fɔ muk! Ha saya si n taran, n nɔrɔnɛ a fɔɛ ma ko n yilikini ma.

Yobu 27:6

Ka a fɔ telenbagɛ le nde la, n ti fara wo fɔɛ la mumɛ! N yili latɛgɛni de wo ma feu!

Yobu 31:7

Ni n bara kilɛ boloka tele-kelen-bɛrɛni, n ni a ma, karagbɛlɛyɛ ni n sagan a wara la, ni n bara kɔsɔ hakɛ-kɛ bolo,

Yobu 33:9

i ko i yilikini ma, ado i ma ko-yogoma wo ko-yogoma ma. I ko fɛɛ sa i la, ado i ma hakɛ kɛ.

Yaburi 11:3

A ko ni ko-wo-ko sa tala a kilɛ fɛ, kama, mɔgɔ-nyimɛnu si a ma kama worɔ? Kun-takolonya-kumɛ le wo bɛɛ la.

Yaburi 24:4

Fɔ minnu sɛninyanɛ anu kɛ-nya anubɛ anu miriya rɔ, ado wonu sa bɛsi kɔla, wonu sa foninya-sereya bɔla.

Yaburi 26:6

N Mari, n bara n bole mafiran ka a yira i la ko n yilikini ma. N bara tugun ila mɔgɛnu na minnu bi ila saraka-mintan-tinɛ lafoola.

Yaburi 73:13

N bara n nyɛrɛ mara fu! Nfen ya a ma worɔ, nde ma hakɛ kɛ?

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Yaburi 84:8

E, Mari Alla Sɛnbɛ-Bɛɛ-Tigi, i ni mata madiyali-kan lamɔɛn. E, Yakobata Alla, i wɔlɔ matɔlɔ ma kan la.

Hɛnkilimaya-Kumɛnu 10:25

Gbɛlɛyɛ si ta karagbɛlɛnu na iko fɔnyɔ si ta fen-gbalɛnu na nya min kɔnɔ mɔgɔ-latelenni-banbannɛ si to iko fara-kole.

Hɛnkilimaya-Kumɛnu 10:30

Mɔgɔ-telennɛnu yisi-kimanɛ lafɛrɛ rɔ kɔnɔ karagbɛlɛnu ti simayɛ sɔrɔn dugu-kole kɛ kuma.

Hɛnkilimaya-Kumɛnu 14:16

Hɛnkilimɛ si kilan Mari la, a ni a bole bɔ ko-yogomɛ rɔ. Kɔnɔ kun-takolɔn ti a miri ko-ladan tinɛ. A kunyɛ wa wuli koe min na, a ye wo le ladanna.

Hɛnkilimaya-Kumɛnu 4:18

Kɔnɔ mɔgɔ-telennɛnuna telenbagayɛ si to koloyala iko teleta waan si to koloyala nya min ka a bi sɔgɔma ha tele-latelan.

Maraka 7:2

Anu ya a yen ko ala karan-dan donu bi fen dɔnna anu bolo-lakubɛlɛ la. Anu ma anu naku a kilɛ fɛ iko anuna namu ye nya min. (

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

1 Pita 1:5

Wotɛ le duwɛ wonu na, wole minnu maranɛ Allala sɛnbɛ baraka rɔ dɛnkɛninyɛ fɛ, kɔni. Ma ye kisi-koe min makɔnɔna, wo la si bɔ wo ye gbɛ rɔ wati-laban-tumɛ.

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.