Yobu 17:4 - ALLALA KUMƐ

⁴ I wara n diyana-mɔgɛ kɛnu hɛnkili rabasan alako anu kana na ko ragbɛ. I yandi, anu kana yo sɔrɔn n ma kumɛ kɛ rɔ.

Yobu 17:4 ပူးပေါင်းရင်းမြစ်များ

2 Samuwɛli 15:31

Mansa Dawuda ya a lamɔɛn tumɛ min ko Ahitafɛli ara kofu Abasalɔm ma murutiya tinɛ, mansɛ ya madiyali kɛ. A ko, “Mari, i yandi, alamɛ ko kana bɔ Ahitafɛlita makawandili-kan rɔ.”

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

Yobu 12:20

Alla si yili kiri mansɛnuna makawandilɛnuna kumɛ-dan la. A si kinanu ma kinan-yungurɔn la.

Yobu 17:5

Mɔgɛ min ya a diyana-mɔgɛ mayira wodi-koe rɔ, wola dannu si tɔrɔya ala ko la. Alamɛ n yogenu mara iko mɔgɛ wo.

Aiseya 19:14

Mari ara anuna makawandili-kumɛ yabasan anu bolo. Ka a tɛgɛ wo ma, Iyipiti mɔgɛnu si ma iko gbɛɛtoe wa nama ala teseri rɔ.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Romu 11:8

Iko a sɛbɛnɛ Allala kitabu rɔ nya min ko, “Alla ya anu yisi anubɛ anu hɛnkili rafaga. Ha bi, anu ti ke fen yenna anu yɛ la. Anu ti ke ko lamɔɛnna anu tole la.”

1 Kɔrɛnti 1:20

Nba, hɛnkilimɛnu anubɛ tɔn-karan-mɔgɛnu anubɛ sɔsɔli-sala-wɛnu, wonu bi kama? Alla ara a lagbɛ ko duninya kɛ hɛnkilimayɛ, yuwaya-koe le wo la!